«ՄԱՐԳԱՐՅԱՆ ԾՆՆԴԱՏՈՒՆ» Մոր և մանկան առողջության պահպանման գիտահետազոտական կենտրոն
Հոդվածներ Պացիենտների համար | Կնոջ հորմոնները

Կնոջ հորմոնները

2023 Հուլ 20, Հինգշաբթի

Հորմոնները կենսաբանական ակտիվ նյութեր են, որոնք ապահովում են ամբողջ օրգանիզմի բարդ կենսագործունեությունը: Նրանք արտադրվում են էնդոկրին գեղձերի և տարբեր օրգաններում ու հյուսվածքներում տեղակայված բջիջների կողմից: Օրինակ, կնոջ առողջության համար կարևորագույն հորմոններն արտադրվում են ձվարաններում, ստամոքսի լորձաթաղանթում, ենթամաշկային ճարպաշերտում։  Այնուհետև դրանք անցնում են արյան մեջ, հետո կապվում տվյալ կենսաբանական նյութի նկատմամբ զգայուն ռեցեպտորների հետ: Այդ ամենը կարգավորվում է կենտրոնական նյարդային համակարգի կողմից:

Կնոջ հիմնական հորմոնները

Գոյություն չունեն հորմոններ, որոնք արտադրվում են միայն կնոջ, կամ միայն տղամարդու մոտ: Նույնիսկ ավանդաբար կնոջ հորմոն համարվող էսթրոգենները և պրոգեսթերոնը ոչ մեծ քանակով մշտապես առկա են նաև տղամարդկանց օրգանիզմում, ինչպես տեստոստերոնը՝ կանանց:

Էսթրոգեններն արտադրվում են ձվարաններում, որը սկսվում է սեռական հասունացման շրջանում և տևում մինչև դաշտանադադարը: Էսթրոգենների քանակը կապված է դաշտանային ցիկլի փուլի հետհետ։

Կենսակտիվ նյութերը կարգավորում են դրանց հերթափոխը, ինչպես նաև իրականացնում են մի շարք կարևոր գործառույթներ.

  • պաշտպանում են անոթները նրանց ներսում խոլեսթերինային կանգերի ձևավորումից, կարգավորում են լիպիդային ֆոնը,
  • կարգավորում են ջրա-աղային փոխանակությունը, մաշկի առաձգականությունը,
  • կարգավորում են տարբեր օրգանների աճը, նրանց ընթացիկ ակտիվությունը,
  • իրականացնում են այս կամ այն գործառույթի սկիզբը և ավարտը,
  • կարգավորում են մաշկի ճարպագեղձերի գործունեությունը։

Այդ հորմոնների կարևորագույն գործառույթն է օստեոգենեզը: նրանց ազդեցությամբ և վերահսկողությամբ առաջանում է նոր ոսկրային հյուսվածք, յուրացվում են ոսկրերի ամրության համար անհրաժեշտ կալցիումը և ֆոսֆորը: Դա է պատճառը, որ երբ դաշտանադադարի շրջանում էսթրոգենների քանակը նվազում է, զարգանում է օստեոպորոզ՝ ոսկրերի ամրության պրոգրեսիվող նվազում, որը հաճախ կոտրվածքների պատճառ է դառնում անգամ  փոքր տրավմայից։

Պրոգեսթերոնը ոչ պակաս կարևոր է կնոջ օրգանիզմի համար. նրա վերահսկողությամբ մանկական տարիքում ձևավորվում են կրծքագեղձերը, ապահովում է բեղմնավորման և հղիության կրելիության ունակությունը: Հենց պրոգեսթերոնի պակասի պատճառով են արտահայտվում ցավոտ դաշտանը և նախադաշտանային համախտանիշը:

Հորմոնալ խանգարումներ

Հորմոնալ ֆոնի խանգարումը՝ ինչպես հորմոնների պակասը, այնպես էլ՝ ավելցուկային արտադրությունը, արտահայտվում է տրամադրության հաճախակի անկումով, դյուրագրգիռ վիճակով, լացկանությամբ, դաշտանային և նախադաշտանային շրջանում քնի խանգարումով: Այս ախտանշանները հիմնականում դիտվում են էսթրոգենների և պրոգեսթերոնների միջև հավասարակշռության խանգարման ժամանակ:

Հորմոնալ դիսբալանսն ազդում է նաև այլ օրգան-համակարգերի գործունեության վրա:

Անհրաժեշտ է գինեկոլոգի, էնդոկրինոլոգի, գինեկոլոգ-էնդոկրինոլոգի խորհրդատվություն՝ բուժումը ճիշտ կազմակերպելու համար:

+374 60 68 58 48

Վերջին թարմացումներ

Կարդալ ավելին»
2025 Հոկ 03, Ուրբաթ | Լուրեր

«Մարգարյան ծննդատուն» ՓԲԸ-ն հայտարարում է գլխավոր բուժքույրի թափուր հաստիքի համար մրցույթ

Մենք փնտրում ենք պատասխանատու և փորձառու մասնագետ, ով կղեկավարի բուժքույրական թիմը և կապահովի որակյալ ու բարձրակարգ սպասարկում։Պահանջներ......

Կարդալ ավելին»
Կարդալ ավելին»
2025 Սեպ 24, Չորեքշաբթի | Պացիենտների համար

Կրծքով կերակրումը ջերմության ժամանակ

Դուք նորածին եք ունեցել, վայելում եք մայրության երջանկությունը, բայց հանկարծ ձեզ անսպասելի վատ եք զգում։ Ցավոք, նման իրավիճակները հազվադեպ չեն։ Բացի այդ, կրծքով կերակրման շրջանում կանանց հակվածությունը շնչառական վարակներին բավականին բարձր է......

Կարդալ ավելին»
Կարդալ ավելին»
2025 Ապր 11, Ուրբաթ | Մասնագետների համար

Կլինիկական դեպք. գիգանտ բազմահանգույց միոմայի հեռացում

Բուժառուն` 51 տ. , դիմել էր` գանգատվելով անոմալ արգանդային արյունահոսությունից, որովայնի ստորին հատվածում ցավերից, որովայնի մեծանալու զգացողությունից...

Կարդալ ավելին»

«ՄԱՐԳԱՐՅԱՆ ԾՆՆԴԱՏՈՒՆ» Մոր և մանկան առողջության պահպանման գիտահետազոտական կենտրոն

Հետևե՛ք մեզ

Սոցցանցերում

Կապ

Խորհրդատվություն

Ին՞չ են ասում մեր հաճախորդները...

Թողեք Ձեր կարծիքը




Ինչպե՞ս կգնահատեք մեր ծառայությունը