Ներարգանդային պարույրները համարվում են հուսալի հակաբեղմնավորիչներ: Պարույրի բաղադրությունը պղնձի առկայությամբ ո՛չ միայն պաշտպանում է հղիանալուց, այլ նաև կանխում է բորբոքային խնդիրները: Այն հորմոնալ չէ և տեղադրվում է, երբ արգանդի երկարությունը 6-9 սմ է, իսկ կանանց մեծամասնության մոտ դիտվում է հենց այդ երկարությունը: Պարույրի արդյունավետությունը կազմում է 98 տոկոս: Ներարգանդային մուլտիլոադ պարույրը (կիսաօվալաձեւ ներարգանդային հակաբեղմնավորիչ է՝ ցցերի տեսքով ելուստներով, որոնք ամրացվում են արգանդի պատին) (ՆՄՊ) երբեմն օգտագործվում է շտապ կարգով, երբ տեղի է ունեցել չպաշտպանված սեռական հարաբերություն: Այդ դեպքում պարույրի ներդրումը կարող է օգնել, եթե միջամտությունն իրականացվի ոչ ուշ 120 ժամից (5 օր): Սակայն պետք է հաշվի առնել, որ այն կարող է նպաստել առկա վարակի տարածմանը:

Արդյունավետության նվազում

Ցավոք, պարույրների արդյունավետությունը կարող է նվազել որոշ դեղերի ընդունման դեպքում. օրինակ, որոշ հակաբիոտիկների և հակադեպրեսանտների երկարատև օգտագործումը պահանջում է հակաբեղմնավորման լրացուցիչ ապահովում: Անհրաժեշտ է ուշադրությամբ ուսումնասիրել պարույրի տեղեկատվությունը:

Կողմնակի ազդեցություն

Պարույրներն ունեն կողմնակի ազդեցություն, որոնցից ոմանց պետք է «դիմանալ», մյուսների դեպքում՝ անհապաղ հեռացնել պարույրը: Դրանք են.

• միջդաշտանային արյունահոսությունը,
• արգանդի պերֆորացիան (պահանջվում է անհապաղ բժշկական միջամտություն):

Հիմնական ախտանշանը ուժեղ ցավն է

• եղնջացան (ալերգիկ ռեակցիա),
• ցավ որովայնի ստորին հատվածում, մեջքի շրջանում, ոտքերում (սովորաբար, անցնում է պարույրը դնելուց մի քանի օր անց)։

Հակացուցումներ

• Անամնեզում պղնձի նկատմամբ անընկալություն (ալերգիկ ռեակցիա),
• անհասկանալի պատճառով արյունահոսություն միջդաշտանային շրջանում,
• արգանդի վզիկի կամ մարմնի քաղցկեղ, նաև վիճակներ, որոնք ուռուցքային
  հիվանդությունների նախանշաններ են (արգանդի վզիկի դիսպլազիա, հիպերպլազիա,
  էնդոմետրիա),
• անամնեզում արտարգանդային հղիություն, քանի որ մուլտիլոադ ку-375 պարույրը
  չի պաշտպանում արտարգանդային հղիությունից (ինչպես և ցանկացած ոչ
  հորմոնալ ներարգանդային պարույր), ապա այդ խնդրին առնչված կանանց
  ցանկալի է օգտագործել հակաբեղմնավորման այլ միջոց,
• առատ արյունահոսություն դաշտանի ժամանակ (պարույրի ներդրումից հետո դրանք
  ավելի առատ կդառնան և կվտանգեն կնոջ կյանքը),
• սեռավարակներ, փոքր կոնքի բորբոքային հիվանդություններ,
• արգանդի միոմաներ, որոնք դեֆորմացնում են նրա խոռոչը,
• հղիության անգամ փոքր կասկածը: