2023 Նոյ 17, Ուրբաթ
Միակողմանի ձվարանի հեռացումը (օվարիոէկտոմիա) հաճախ հանդիպող վիրահատական միջամտություն է: Այն իրականացվում է ձվարանում բարորակ կամ կիստոզ գոյացությունների, արտահայտված էնդոմետրիոզի, արտարգանդային հղիության, թարախային բորբոքային հիվանդությունների և այլ դեպքերում:
Սովորաբար արվում է մինչմենոպաուզային շրջանում, բայց երբեմն /12 տոկոս դեպերում/ ձվարանի հեռացումը կատարվում է նաև երիտասարդ կանանց մոտ: Միակողմանի ձվարանահատումը նվազեցնում է հղիանալու հավանականությունը: Նման դեպքերում անպտղության բուժման հիմնական մեթոդը համարվում է ԱՄԲ բեղմնավորումը:
Ձվարանի միակողմանի հեռացումից հետո ընթացող փոփոխությունները
Օվարիոէկտոմիան ինքնին ոչ բարդ և երկարատև վերականգնում չպահանջող միջամտություն է, հատկապես, եթե իրականացվում է լապարասկոպով և հեռացվում է միայն մեկ ձվարանը: Այնուամենայնիվ, այն մի շարք բացասական ազդեցություններ է ունենում կնոջ օրգանիզմի վրա և իրականացվում է միայն կենսական անհրաժեշտության դեպքում:
Ձվարանի հեռացումն առաջացնում է հորմոնալ համակարգի գործունեության փոփոխություն, արյան մակարդելիության ակտիվության բարձրացում, լիպիդային և ընդհանուր ճարպային փոխանակության խանգարում, սիրտ-անոթային հիվանդությունների զարգացում, բեղմնավորման հնարավորության նվազում:
Վիրահատությունից հետո կարող են առաջանալ հետևյալ կլինիկական ախտանշանները.
Ախտանշանների արտահայտվածությունը կախված է բուժառուի տարիքից և մի շարք գործոններից:
Միակողմանի օվարիոէկտոմիան կարող է ուղեկցվել դաշտանային ցիկլի խանգարումներով: Այն բերում է էստրադիոլի մակարդակի իջեցման, որն առաջացնում է գոնադոտրոպինների կոնցենտրացիայի կոմպենսատոր բարձրացում, ընդ որում, ФСГ-ի արտադրությունն աճում է ավելի վաղ և հասնում լյուտեինացնող հորմոնից ավելի բարձր մակարդակի: Դա վկայում է ձվարանի օվարիալ անբավարարության զարգացման և վերարտադրողակ ունակության խանգարման մասին:
Վիրահատությունից հետո դիտվող ֆոլիկուլոխթանիչ հորմոնի /ФСГ-ի/ ֆիզիոլոգիական խթանումը բերում է երկրորդ՝ մնացած ձվարանի կոմպենսատոր մեծացման: Առաջին 6 ամսում այն հասնում է առավելագույն չափերի, որից հետո սկսում է փոքրանալ, և օվարիոէկտոմիայից 1 տարի անց այն չի գերազանցում 14 քառ. սմ-ն / куб. см/: Այդ վիճակում ձվարանը կայունանում է և հետագայում առանձնապես չի փոխվում:
Վիրահատությունից հետո 1 տարվա ընթացքում աստիճանաբար ընթանում է ձվարանի կազմության և գործունեության կոմպենսատոր վերականգնում:
Հնարավո՞ր է հղիանալ մեկ ձվարանով
Միակողմանի օվարիոէկտոմիան նվազեցնում է մայրանալու հավանականությունը, քանի որ բերում է օվարիալ պաշարի վաղաժամ հյուծման: Այնուամենայնիվ, եթե ի սկզբանե նրա մակարդակը բարձր է եղել, և վիրահատության պատճառ դարձած հիվանդությունից բացի վերարտադրողական համակարգի այլ խնդիրներ չկան, ապա կինը կարող է հղիանալ: Դա հնարավոր է պարզել անմիջապես վիրահատությունից հետո:
ՈՒՁՀ և ռենտգենոլոգիական հետազոտությունները հնարավորություն են տալիս գնահատելու մնացած փողի անցանելիությունը, ձևը և հղիանալու հավանականությունը:
Եթե ձվարանում պահպանված օօցիտների պաշարը լրիվ սպառվել է, ապա բեղմնավորումը հնարավոր է միայն դոնորական ձվաբջջի իմպլանտացիայով:
Մենք փնտրում ենք պատասխանատու և փորձառու մասնագետ, ով կղեկավարի բուժքույրական թիմը և կապահովի որակյալ ու բարձրակարգ սպասարկում։Պահանջներ......
Կարդալ ավելին»Դուք նորածին եք ունեցել, վայելում եք մայրության երջանկությունը, բայց հանկարծ ձեզ անսպասելի վատ եք զգում։ Ցավոք, նման իրավիճակները հազվադեպ չեն։ Բացի այդ, կրծքով կերակրման շրջանում կանանց հակվածությունը շնչառական վարակներին բավականին բարձր է......
Կարդալ ավելին»Բուժառուն` 51 տ. , դիմել էր` գանգատվելով անոմալ արգանդային արյունահոսությունից, որովայնի ստորին հատվածում ցավերից, որովայնի մեծանալու զգացողությունից...
Կարդալ ավելին»