2023 Նոյ 29, Չորեքշաբթի
«Ուրախ եմ, որ նորից ապրելու հույս և լույս ծնվեց մեր տանը»․ զոհված զինվորի մայր
Մոր և մանկան առողջության պահպանման գիտահետազոտական կենտրոնում Արցախյան պատերազմում զոհվածի մայրը որդի է ունեցել։ Երեխան լույս աշխարհ է եկել նոյեմբերի 25-ին։ Այդ մասին մեզ հետ զրույցում ասաց Մոր և մանկան առողջության պահպանման գիտահետազոտական կենտրոնի մանկաբարձ-գինեկոլոգ Մարիամ Հակոբյանը։
Նրա խոսքով՝ Ն․Խ․-ն իր ամուսնու հետ կենտրոն են դիմել 2023 թվականի ամռանը։ Պետական պատվերի շրջանակում անցկացվել են համապատասխան հետազոտություններ։
Նշանակվել է բուժում․ կնոջ մոտ առկա են եղել բազմաթիվ սոմատիկ խնդիրներ։ Բուժման կուրսի ավարտին, հուրախություն մեզ, գրանցվել է հղիություն։ Երեխան լույս աշխարհ է եկել 38 շաբաթական հղիության ժամկետում, բնական ճանապարհով։ Նորածինը ծնվել է 3050 գրամ քաշով, 50 սմ հասակով։
Մայրը՝ 41-ամյա Ն․Խ․, մեզ հետ զրույցում ասաց, որ այս պահին դժվարանում է բառերով նկարագրել զգացմունքները։
«Համ ուրախ եմ, համ հուզված։ Ուրախ եմ, որ նորից ապրելու հույս և լույս ծնվեց մեր տանը։ Բայց տխուր եմ, հուզված եմ, որ տղայիս կորցրեցի, և այդ մտքի հետ ես չեմ կարող համակերպվել։ Նորածնի անունը Արտաշես ենք դրել։ Նա կրելու է զոհված եղբոր անունը»։
Մենք փնտրում ենք պատասխանատու և փորձառու մասնագետ, ով կղեկավարի բուժքույրական թիմը և կապահովի որակյալ ու բարձրակարգ սպասարկում։Պահանջներ......
Կարդալ ավելին»Դուք նորածին եք ունեցել, վայելում եք մայրության երջանկությունը, բայց հանկարծ ձեզ անսպասելի վատ եք զգում։ Ցավոք, նման իրավիճակները հազվադեպ չեն։ Բացի այդ, կրծքով կերակրման շրջանում կանանց հակվածությունը շնչառական վարակներին բավականին բարձր է......
Կարդալ ավելին»Բուժառուն` 51 տ. , դիմել էր` գանգատվելով անոմալ արգանդային արյունահոսությունից, որովայնի ստորին հատվածում ցավերից, որովայնի մեծանալու զգացողությունից...
Կարդալ ավելին»