«Մոր և մանկան առողջության պահպանման գիտահետազոտական կենտրոն» ՓԲԸ–ի  տնօրենների խորհրդի որոշմամբ ս․թ․ դեկտեմբերի 11-ին կենտրոնի գլխավոր տնօրեն է նշանակվել Դավիթ Մելիք-Նուբարյանը։

Այսօր անձնակազմի հետ հանդիպման ժամանակ  նա ներկայացրեց կենտրոնի զարգացման տեսլականը։

Խոսելով կենտրոնի զարգացման նոր ռազմավարության մասին՝ պարոն Մելիք-Նուբարյանն ընդգծեց․ «Մեր հիմնական ռազմավարությունը ընգրկելու է մի քանի ուղղություններ։ Ամենակարևորը՝ հիմնվելով տասնամյակների ընթացքում ձևավորված ավանդույթների վրա՝ շարունակելու ենք կենտրոնի զարգացումը։ Այսինքն՝  բարելավելու ենք ենթակառուցվածքները, բժշկական սարքավորումների և պարագաների հագեցվածությունը։ Եվ այս ուղղություններով աշխատանքների մեկնարկն արդեն
տրված է:

Մոր և մանկան առողջության պահպանման գիտահետազոտական կենտրոնը  եղել է, կա և կմնա մեր երկրում հայտնի մանկաբարձա-գինեկոլոգիական բարձ որակի ծառայություն մատուցող բուժհաստատություն»։

Անդրադառնալով կենտրոնում առաջիկա ներդրվող նոր ծառայություններին՝ Դավիթ Մելիք-Նուբարյանն ասաց. «Մեր կենտրոնի կարգախոսն է՝ «Կնոջ համար, կնոջ շուրջ, կնոջ մասին»։ Եվ այդ տրամաբանության մեջ, իհարկե, սա կենտրոն է կանանց համար»։

Նոր տնօրենը վստահեցնում է, որ վերանորոգման և վերազինման աշխատանքները կիրականացվեն փուլ առ փուլ և չեն խաթարի կենտրոնի բնականոն գործունեությունը։