Հղիությունը կնոջ կյանքի, թերևս, ամենասպասված և գեղեցիկ պահերից է, որի ժամանակ ցանկալի է հետևել որոշ կանոնների՝ հատկապես ճիշտ սննդակարգի պահպանմանը։ Պետք է հիշել, որ հղիներն ավելի  ընկալ են սննդի միջոցով փոխանցվող որոշ հիվանդությունների նկատմամբ, որոնք կարող են հանգեցնել հղիության բարդությունների:

Հղիության ընթացքում պետք է խուսափել հետևյալ սննդամթերքից.

• հում, ոչ պաստերիզացված կաթ և ոչ պաստերիզացված կաթից պատրաստված կաթնամթերք, այդ թվում նաև՝ պանիր,
• սննդամթերք, որի պիտանելիության ժամկետն անցել է, քանի որ այն կարող է պարունակել վտանգավոր մանրէներ,
• հում և թերի պատրաստված մսամթերք․ դրանք կարող են պարունակել մակաբույծներ, կամ մանրէներ, ինչպիսիք են, օրինակ՝  սալմոնելան,
• հում ձուկ և ծովամթերք, այդ թվում նաև՝ առանց նախապես ջերմային մշակման ապխտած ձուկ,
• չեփած, ծլած սերմեր, ձավարեղեն և լոբի,
• հում կամ անբավարար ջերմային մշակման ձու, որոնք կարող են պարունակել սալմոնելոզի հարուցիչներ,
• լյարդ («թոք») և  կենդանու այլ օրգաններ․ չնայած լյարդը հարուստ է երկաթով, հղի կնոջը խորհուրդ չի տրվում օգտագործել այն՝ վիտամին A-ի բարձր պարունակության և թունավորման վտանգի պատճառով։
  
  Նյութը պատրաստվել է ՅՈՒՆԻՍԵՖ պաշտոնական կայքում առկա տեղեկատվության հիման վրա։