2024 Հուն 05, Ուրբաթ
Սրտանց շնորհավորում ենք հղիության կապակցությամբ․․․
Միևնույն ժամանակ, հղիությունն առաջացնում է մի շարք բնական հարցեր՝ հղիության ընթացքում կենսակերպի փոփոխության վերաբերյալ, որոնց թվին է պատկանում ճիշտ սննդակարգի պահպանումը։
Առողջ սննդակարգը կարևոր է կյանքի ցանկացած փուլում, սակայն այն հատկապես անհրաժեշտ է հղիության ընթացքում: Հավասարակշռված սննդակարգը կօգնի Ձեր երեխային աճել, զարգանալ և պահպանել առողջ քաշը:
Կարդացեք մեր խորհուրդները, թե ինչպես փոխել սննդակարգը՝ Ձեր նոր ընտանիքի անդամին հարմարեցնելու և դաստիարակելու համար:
ՅՈՒՆԻՍԵՖ-ը խորհուրդ է տալիս պահպանել հավասարակշռված սննդակարգ, որը ներառում է հետևյալը.
Դուք կարող եք ուտել հում, սառեցված կամ չորացրած մրգեր և բանջարեղեն: Աղցաններն առողջ և օգտակար սննդի գերազանց ընտրություն են: Ճաշի ժամանակ Ձեր ափսեի կեսը պետք է պարունակի միրգ և բանջարեղեն:
Ճաշի ժամանակ Ձեր հացահատկի չափաբաժինների կեսը պատրաստեք ամբողջական հացահատիկեղենից, այսինքն, չկեղևահանված և որևէ մասնիկը չհանած։ Դրանք են՝ չկեղևահանած ցորենի ալյուրից հացը, մակարոնեղենը, հաճարը, չկեղևահանած եգիպտացորենի հատիկներն ու ալյուրը և այլն։
Կարևոր է ամեն օր սննդակարգում ներառել սպիտակուցներ: Միսը, թռչնամիսը, ոլոռը, ձուն և ընկույզը սպիտակուցներով հարուստ մթերքի օրինակներ են:
Հղիության ժամանակ սննդակարգում անհրաժեշտ է ներառել նաև կաթնամթերք։ Այն ընտրելիս համոզվեք, որ դրանք պաստերիզացված են: Պանիրը և սովորական մածունը լավ տարբերակներ են ընտրության համար:
Սահմանափակեք կենդանական աղբյուրներից ստացված պինդ ճարպերը, փոխարենը նախընտրություն տվեք բուսական ծագում ունեցող յուղերին։
Մարգարյան ծննդատանը կայացավ բուժքույրերի և մանկաբարձուհիների համար նախատեսված վերապատրաստման սեմինարի երրորդ հանդիպումը, որը նվիրված էր բուժառուի, նրա հարազատների և միջին բուժանձնակազմի միջև արդյունավետ փոխհարաբերությունների կառուցման սկզբունքներին...
Կարդալ ավելին»Արդյո՞ք հղիության ընթացքում ուլտրաձայնային հետազոտություններն (ՈՒՁՀ) անվտանգ են...
Կարդալ ավելին»Բուժառուն` 51 տ. , դիմել էր` գանգատվելով անոմալ արգանդային արյունահոսությունից, որովայնի ստորին հատվածում ցավերից, որովայնի մեծանալու զգացողությունից...
Կարդալ ավելին»