2024 Հուն 29, Երկուշաբթի
Սուրբ Ծննդյան տոնին հաջորդող մեկ ամսվա ընթացքում տնօրհնեքի արարողություններ են կատարվում ո՛չ միայն բնակարաններում, այլև աշխատավայրերում, ուսումնական և բժշկական հաստատություններում:
Մոր և մանկան առողջության պահպանման գիտահետազոտական կենտրոնում ևս կատարվեց այս տարվա առաջին տնօրհնյաց կարգը:
Տնօրհնեքի արարողությունն անցկացրեց Սուրբ Աստվածածին և Սուրբ Աննա եկեղեցիների հոգևոր հովիվ Տեր Զենոն քահանա Բարսեղյանը:
Նրա փոխանցմամբ՝ օրհնության կարգը շատ կարևոր է յուրաքանչյուր քրիստոնյայի համար։ Աստծո օրհնությունը ստանալուց հետո մարդիկ ավելի թեթև և հանգիստ են ապրում։ Միջավայրն ավելի մաքուր է դառնում։
«Տեր Զենոն քահանա Բարսեղյանը կատարեց տնօրհնեքի արարողություն։
Եվ սա պատահական չէ․ տարեկան 1800-ից ավելի հայաստանցիների համար մեր կենտրոնն, ըստ էության, առաջին երկրային տունն է, որտեղ իրենք լույս աշխարհ են գալիս, ապրում այստեղ մի քանի օր և հետո գնում իրենց տուն»,- ասում է կենտրոնի տնօրեն Դավիթ Մելիք-Նուբարյանը։
Տնօրենի խոսքով՝ նմանատիպ միջոցառումները շատ կարևոր են հոգևոր արժեքների և հոգևոր կյանքի ձևավորման համար։ Եվ այս տեսակ միջոցառումները կենտրոնում ավանդական բնույթ են կրում և պարբերաբար կանցկացվեն։






Մարգարյան ծննդատունը փնտրում է փորձառու բժիշկ սոնոգրաֆիստի (ճառագայթային ախտորոշման մասնագետ)......
Կարդալ ավելին»Հղիության ընթացքում կնոջ օրգանիզմում տեղի ունեցող փոփոխությունները կարող են ազդել ինչպես ատամների, այնպես էլ լնդերի առողջության վրա......
Կարդալ ավելին»Կնոջ արգանդից հեռացվել են թվով 13 տարբեր չափերի միոմաներ......
Կարդալ ավելին»