2024 Փետ 16, Ուրբաթ
Օրեր առաջ ՄՄԱՊԳՀԿ է դիմել 30 տարեկան կին՝ գանգատվելով 1,5-2 ամիս չդադարող արյունային արտադրությունից սեռական ուղիներից։
Անամնեզի հիման վրա պարզ դարձավ, որ կինը ունեցել է 4 հղիություն, որոնցից 2-ի դեպքում ծննդալուծվել է կեսարյան հատման ճանապարհով՝ վերջինը 7 տարի առաջ, 2-ի դեպքում կատարել է հղիության արհեստական ընդհատում՝ վերջինը մոտավոր 1․5-2 ամիս առաջ։
4-րդ հղիության ժամանակ պտղաձուն իմպլանտացվել է կեսարյան հատման սպիի շրջանում, ինչի պատճառով այլ բժշկական կենտրոնում կատարվել է հղիության արհեստական ընդհատում՝ գործիքային եղանակով, ինչից հետո մինչ օրս կինը ունեցել է արյունային արտադրություն։
Մեր կենտրոնում կատարվել են անհրաժեշտ բոլոր կլինիկալաբորատոր և գործիքային հետազոտությունները։
ՈՒՁՀ-ով հայտնաբերվել է հեմատոմա՝ հետվիրահատական սպիի շրջանում, միզապարկ-արգանդային ծալքի տակ մոտ՝ 4,5*5 սմ տրամաչափի։
Կատարվել է հետվիրահատական սպիի և հեմատոմայի հեռացում, արգանդի ամբողջականությունը վերականգնվել է։
Հետվիրահատական շրջանն ընթացել է հարթ, առանց բարդությունների։ Բուժառուն դուրս է գրվել բավարար վիճակում։
ՄՄԱՊԳՀԿ մասնագիտական թիմից այս կլինիկական դեպքի շրջանակում աշխատել են Ա.Կ. Բլբուլյանը, Ա.Ռ Բադալյանը, Է. Բ. Հարությունյանը:
Կլինիկական դեպքի մասին ավելին տեղեկանալու համար սեղմեք հետևյալ հղումը՝
http://surl.li/qoplu
Ապրիլի 16-ին Մոր և մանկան առողջության պահպանման գիտահետազոտական կենտրոնում տեղի ունեցավ...
Կարդալ ավելին»Հղիության ընթացքում մարմնի զանգվածի ավելացումն օգնում է Ձեր երեխային աճել, զարգանալ և ծնվել առողջ: Սակայն, չափից ավելի կամ պակաս քաշ հավաքելը կարող է դառնալ առողջական լուրջ խնդիրների պատճառ, ինչպես Ձեր, այնպես էլ երեխայի համար...
Կարդալ ավելին»Մոր և մանկան առողջության պահպանման ԳՀԿ էր դիմել 29 տ. կին, ում մոտ ախտորոշվել էր գիգանտ միոմա։ Նա Կանադայից էր, համացանցով փնտրել և ընտրել էր...
Կարդալ ավելին»