Սույն թվականի հունիսի 4-ից կլինիկայի ղեկավար, բժշկական գիտությունների դոկտոր Արմեն Բլբուլյանն աշխատանքային այցով գտնվում է Մոսկվայի Վ.Ի. Կուլակովի անվ. Մանկաբարձության, գինեկոլոգիայի և պերինատոլոգիայի ազգային բժշկա-հետազոտական կենտրոնում:

Այցի շրջանակներում կենտրոնների միջև ստորագրվել է համագործակցության համաձայնագիր հետևյալ ուղղություներով.

• գիտա-ուսուցողական ծրագրերի մշակում,
• գիտական և մանկավարժական կադրերի փորձի փոխանակում,  
• համատեղ գիտական հետազոտությունների իրականացում,
• գիտական և ուսումնական գործընթացի նախապատրաստում և կազմակերպում,
• վերարտադրողական առողջության ոլորտի մասնագետների համար գիտաժողովների, սեմինարների, դասընթացների համատեղ կազմակերպում անցկացում:

Համագործակցությունը նոր հնարավորություններ է տալիս շարունակել նորարարական, արդի և պահանջված ծառայությունների ներդրման գործընթացը՝ Վ.Ի.Կուլակովի կենտրոնի առաջատար և փորձառու մասնագետների ներգրավմամբ: