Արմեն Ռաֆայելի Բադալյան` մանկաբարձ-գինեկոլոգ

Օրեր առաջ ՄՄԱՊԳՀԿ էր դիմել 28 տ. կին` գանգատվելով սեռական ուղիներից ալ կարմիր արյունային արտադրությունից։

Կատարված կլինիկալաբորատոր և գործիքային հետազոտությունների արդյունքում ախտորոշվել էր պարանոցային, զարգացող 5 շաբաթական հղիություն։

Նախապատրաստական համապատասխան աշխատանքներ իրականացնելուց հետո վիրահատարանի պայմաններում իրականացվեց հղիության արհեստական ընդհատում` բժշկական ցուցումով։

Պարանոցային հղիությունը արտարգանդային հղիության հազվադեպ ձև է, որի դեպքում պտղաձուն իմպլանտացվում է էնդոցերվիկալ խողովակի լորձաթաղանթում: Այն հանդիպում է արտարգանդային հղիությունների 1 տոկոսից պակաս դեպքերում, հաճախականությունը կազմում է մոտավորապես 9000 հղիությունից 1-ը:

Վաղ շրջանում ախտորոշումն ու բուժումը կարևոր են, քանի որ առկա է ծանր արյունահոսության բարձր ռիսկ, որի պարագայում արգանդի հնարավոր հեռացման կանխումն առաջնահերթություն է։


Ունե՞ք հարցեր` գրեք մեկնաբանություն կամ ուղարկեք անձնական նամակ, պատասխանը չի ուշանա։

Ամբողջական տեսահոլովակը կարող եք դիտել՝ You Tube պաշտոնական ալիքում... ⬇️

https://youtu.be/qwX_5xJTl1g