ՄՄԱՊԳՀԿ-ն իր պացիենտներին տեղեկացնում է.

1. Անվճար գինեկոլոգիական խորհրդատվություններ Մարգարյան ծննդատանը՝ յուրաքանչյուր շաբաթ օրը, ժամը 10:00-ից-16:00-ն

Սիրելի կանայք և աղջիկներ, այսուհետ ձեզ կընձեռնվի հնարավորություն անցնելու անվճար խորհրդատվություն կենտրոնի առաջատար գինեկոլոգների մոտ, ինչպես նաև՝ մասնագետի ցուցմամբ, անհրաժեշտության դեպքում՝ գերձայնային հետազոտություն (ԷԽՈ):

Գինեկոլոգիական ցանկացած գանգատի և անհանգստության դեպքում՝ դիմեք մեզ։

Ձեր առողջությունը մեր առաջնահերթությունն է:

2. Անպտղության հաղթահարման բարեգործական ծրագիր

Մոր և մանկան առողջության պահպանման գիտահետազոտական կենտրոնը Հայաստանում գործունեություն ծավալող հեղինակավոր բարեգործական հիմնադրամի հետ իրականացնում է շահառուների համար անպտղության հաղթահարման անվճար ծրագիր, որի շրջանակում կատարվում է արտամարմնային բեղմնավորում և սաղմի տեղափոխում/տեղադրում:

Ծրագրին կարող են դիմել Երևանում և ՀՀ Արագածոտնի, Արարատի, Արմավիրի  և Կոտայքի մարզերում բնակվող այն զույգերը, որոնք համապատասխանում են հետևյալ չափորոշիչներին (անցնել հղումով):

Լրացուցիչ տեղեկությունների համար շահառուները կարող են դիմել Մոր և մանկան առողջության պահպանման գիտահետազոտական կենտրոն կամ զանգահարել +374 10 53 14 62 հեռախոսահամարով:

3. ՄՄԱՊԳՀԿ-ի հետ համագործակցող կազմակերպությունների աշխատողները, ինչպես նաև վերջինների ընտանիքի անդամները կարող են օգտվել բժշկական ծառայությունների հատուկ առաջարկից, որն իր մեջ ներառում է.

• կենտրոնի առաջատար մասնագետների, այդ թվում նաև, պրոֆեսորների անվճար խորհրդատվություն
• ծառայությունների համար զեղչ՝ 10-15%