Հղի կնոջ քրտնարտադրությունը` շոգ եղանակին

Շոգ եղանակին ակտիվանում է նյութափոխանակությունը, քրտնարտադրությունը և հղիի մոտ առաջանում է գերտաքացման ու ջրազրկման վտանգ:

Ամառվա շոգ եղանակին գերտաքացումից խուսափելու համար կարևոր է հղիների հագուստի ճիշտ ընտրությունը` նախապատվությունը տալով բնական գործվածքներին, հագնել բամբակյա, ազատ, բաց երանգների հագուստ, առավելագույն խուսափել արհեստական գործվածքներից:

Շատ կարևոր է ճիշտ քանակի, սովորական, չգազավորված ջրի օգտագործումը` մոտավորապես 2 լ չափաքանակով: Ցանկալի չէ խմել քաղցր, գազավորված հեղուկներ:

Հղիներին կարելի է լոգանքներ ընդունել, սակայն` ոչ շատ տաք ջրով:

Հղին կարո՞ղ է ամռանը ծով գնալ:

Հղիությունը հիվանդություն չէ և կարելի է ծով գնալ, արևային լոգանք ընդունել, բայց` հաշվի առնելով անվտանգության կանոնները: Գերտաքացում չստանալու համար անհրաժեշտ է խուսափել արևի ուղիղ ճառագայթներից, արևային լոգանքներից` արևի առավել ակտիվ ժամերին (ժամը 11:00 – 16:00): Պետք է կրել ազատ, շնչող հագուստ, ակնոցներ և գլխարկ, անպայման օգտագործել արևապաշտպան քսուքներ:

Ջերմության ազդեցությունը պտղի վրա

Ջերմությունը պտղի վրա անմիջաական ազդեցություն չի գործում: Սովորաբար, բարձր ջերմությունն ազդում է հղիի ինքնազգացողության վրա, և եթե դա նրա մոտ խնդիրներ է առաջացնում՝ գերտաքացում, ջրազրկում, այն իր հետևանքներն է թողնում նաև պտղի վրա: