«ՄԱՐԳԱՐՅԱՆ ԾՆՆԴԱՏՈՒՆ» Մոր և մանկան առողջության պահպանման գիտահետազոտական կենտրոն
Հոդվածներ Պացիենտների համար | Հայաստանում առաջին անգամ հաջողված ԱՄԲ-ն

Հայաստանում առաջին անգամ հաջողված ԱՄԲ-ն

2024 Նոյ 08, Ուրբաթ

Աշխարհում առաջին անգամ հաջողված ԱՄԲ-ն իրականացվել է ավելի քան 45 տարի առաջ Մեծ Բրիտանիայում: 1978 թվականի հունիսի 25-ին Անգլիայում լույս աշխարհ եկավ Լուիզա  Ջոյ Բրաունը, դառնալով աշխարհում առաջին մարդը, ով ծնվել էր ԱՄԲ արդյունքում: Եվ այսօր ԱՄԲ-ն դարձել է անպտուղ ամուսնական զույգերի բուժման առաջատար ու հեռա-նկարային մեթոդներից մեկը :

Հայաստանում «երեխաներ փորձանոթից» առաջամարտիկը դարձավ մեր կենտրոնի՝ «Մարգարյան ծննդատուն» ՄՄԱՊԳՀԿ-ի ԱՄԲ բաժանմունքը՝ պրոֆ. Գ. Գ. Օկոևի գլխավորու-թյամբ : Դեռևս 2001-2003թթ. Ֆրանսիայի գործընկերների օգնությամբ կազմակերպվել և անցկացվել են վերապատրաստման դասընթացներ «Մարգարյան ծննդատուն» ԱՄԲ բաժանմունքի բժիշկների համար, ովքեր սկսեցին տիրապետել օժանդակ վերարտադրողական տեխնոլոգիաներին ՝ Վերարտադրողական բժշկության ինստիտուտի առաջատար մասնագետների շնորհիվ: Արդյունքները երկար սպասեցնել չտվեցին: 2004 թվականի փետրվարի 5-ին մեր կենտրոնի պատերի ներսում կեսարյան հատման ճանապարհով  լույս աշխարհ եկան առաջին «երեխաները փորձանոթից». աղջիկ՝ 2250գր քաշով, 45սմ հասակով, տղա՝ 2550գր քաշով, 47սմ հասակով, աղջիկ՝ 1890գր քաշով, 43սմ հասակով:

Առաջին երեխաները՝ զույգ, որոնց կրել էր փոխնակ մայրը ( կենսաբանական մայրը տառապում էր արգանդի բացակայությունից, վերարտադրողական համակարգի զարգացման արատի՝ Ռոկիտանսկի-Կյուստների-Մայերի համախտանիշի հետևանքով)  ևս ծնվել են մեր կենտրենում 2006 թվականին՝ աղջիկներ՝ 3130գր և 3380գր քաշով, յուրաքանչյուրը 50սմ հասակով:

Բժիշկների քրտնաջան աշխատանքը գնահատվեց ըստ արժանավույնս: 2008 թվականի մայիսին կենտրոնի մի խումբ բժիշկներ պրոֆեսոր Գ. Գ. Օկոևի գլխավորությամբ  պարգևատրվեցին ՀՀ նախագահի մրցանակով:

Վիճակագրությունը շատ հանդուգն է և չկա հղիության գրանցման 100%-անոց երաշխիք նույնիսկ ԱՄԲ-ի, ինչպես և զույգերի բնական վերարտադրողականության դեպքում :

Սակայն ամեն տարի ԱՄԲ-ի բարեհաջող ելքերի վիճակագրությունը ցույց է տալիս, որ ԱՄԲ-ի դրական արդյունքները  աճում են  1%-ով: Եվ  այսօր անպտղության բուժման ժամանակակից մեթոդները դոնորական և  փոխնակ մայրության ծրագրերի հետ համատեղ, թույլ են տալիս  օգնել գրեթե բոլոր անպտուղ զույգերին:

Բոլոր զույգերին, ովքեր տառապում են անպտղությամբ ճիշտ կլինի  քայլ անեն դեպի խնդրի հաղթահարում, չընտրելով սպասման ուղին: Կարևոր է իմանալ , որ անպտղության դատավճիռ չէ: Պետք չէ հուսահատվել , քանի որ շատ դեպքերում այդ խնդիրը հաղթահարելի է: Վերջին տարիներին անպտղության բուժման մեթոդները այնպիսի արագությամբ են զարգանում, որ հնարավորություն են տալիս օգնելու անգամ ամենաբարդ դեպքերում: Պետք է իմանալ, որ այստեղ կարևոր են ոչ միայն բժիշկների ջանքերը, այլև հենց զույգի համբերատարությունն ու հավատը: Ընտրեք ոչ մի դեպքում չհանձնվելու ուղին, մի կորցրեք ձեր վստահությունը և «Մարգարյան ծննդատան»  հետ միասին քայլ առ քայլ շարունակեք պայքարը վայելելու ծնող դառնալու բերկրանքը և անպայման միասին կհասնենք հաջողության:

+374 60 68 58 48

Վերջին թարմացումներ

Կարդալ ավելին»
2025 Հոկ 03, Ուրբաթ | Լուրեր

«Մարգարյան ծննդատուն» ՓԲԸ-ն հայտարարում է գլխավոր բուժքույրի թափուր հաստիքի համար մրցույթ

Մենք փնտրում ենք պատասխանատու և փորձառու մասնագետ, ով կղեկավարի բուժքույրական թիմը և կապահովի որակյալ ու բարձրակարգ սպասարկում։Պահանջներ......

Կարդալ ավելին»
Կարդալ ավելին»
2025 Սեպ 24, Չորեքշաբթի | Պացիենտների համար

Կրծքով կերակրումը ջերմության ժամանակ

Դուք նորածին եք ունեցել, վայելում եք մայրության երջանկությունը, բայց հանկարծ ձեզ անսպասելի վատ եք զգում։ Ցավոք, նման իրավիճակները հազվադեպ չեն։ Բացի այդ, կրծքով կերակրման շրջանում կանանց հակվածությունը շնչառական վարակներին բավականին բարձր է......

Կարդալ ավելին»
Կարդալ ավելին»
2025 Ապր 11, Ուրբաթ | Մասնագետների համար

Կլինիկական դեպք. գիգանտ բազմահանգույց միոմայի հեռացում

Բուժառուն` 51 տ. , դիմել էր` գանգատվելով անոմալ արգանդային արյունահոսությունից, որովայնի ստորին հատվածում ցավերից, որովայնի մեծանալու զգացողությունից...

Կարդալ ավելին»

«ՄԱՐԳԱՐՅԱՆ ԾՆՆԴԱՏՈՒՆ» Մոր և մանկան առողջության պահպանման գիտահետազոտական կենտրոն

Հետևե՛ք մեզ

Սոցցանցերում

Կապ

Խորհրդատվություն

Ին՞չ են ասում մեր հաճախորդները...

Թողեք Ձեր կարծիքը




Ինչպե՞ս կգնահատեք մեր ծառայությունը