Սաղմերի կրիոկոնսերվացիան` սաղմերի սառեցումը և պահպանումն է՝ հետագայում կիրառման նպատակով։

Սաղմերի սառեցումը «Մարգարյան ծննդատուն» ՄՄԱՊԳՀԿ-ում կատարվում է վիտրիֆիկացիայի մեթոդով, որը ներկայում համարվում է ամենաժամանակակից և ամենաապահով մեթոդը:

Սաղմերը սառեցվում են կրիոպրոտեկտորների միջոցով, որոնք ապահովում են անվնաս պահպանումը, այնուհետև տեղադրում են սառեցման համար նախատեսված սարքերի վրա և տեղափոխվում հեղուկ ազոտի մեջ:

Բուժառուների մոտ հաճախ է հարց առաջանում. թե որքա՞ն ժամանակ կարող են սաղմերը պահպանվել հեղուկ ազոտում. հեղուկ ազոտի մեջ սաղմերի պահպանման հստակ ժամանակ չկա, այն անժամկետ է:

Սովորաբար, բուժառուները մտավախություն ունեն, որ սառեցման կամ հեղուկ ազոտի մեջ գտնվելու ընթացքում սաղմերը կարող են վնասվել:

Այդ մտավախությունն անհիմն է, քանի որ ժամանակակից կրիոպրոտեկտորներով կատարվող վիտրիֆիկացիան ապահով մեթոդ է, և գրեթե 98-99 % դեպքերում սաղմերի մոտ ապասառեցման ժամանակ արձանագրվում է նույն որակը, որը եղել է մինչև սառեցնելը։

Ունե՞ք հարցեր` գրեք մեկնաբանություն կամ ուղարկեք անձնական նամակ, պատասխանը չի ուշանա։

Հասցեն՝ ՀՀ, ք.Երևան 0002, Մաշտոցի պող. 22
Շուրջօրյա հեռ.՝ +374 10 53 06 41, +374 99 53 06 41 (WhatsApp, Viber)

https://www.youtube.com/shorts/-rB1O_f6cyE?feature=share