Հարցերին պատասխանում է մանկական գինեկոլոգ Ֆլորա Ղազարյանը։

Մանկական և դեռահասային գինեկոլոգիան զբաղվում է 0-18 տարեկան աղջիկների սեռական համակարգում տեղի ունեցող փոփոխություններով, դրանց ախտորոշմամբ և բուժմամբ:

Ի՞նչ խնդիրներ են առավել հաճախ հանդիպում այս տարիքային խմբում:

2-3 ամսականից հաճախ հանդիպող խնդիրներ են սեռական շրթերի սերտաճումներն ու սինեխիաները:

Սկսած 2-3 տարեկանից, մեծ խումբ են կազմում մանկական գինեկոլոգիայում բորբոքային հիվանդությունները, որոնք արտահայտվում են վուլվիտների և վուլվովագինիտների ձևով:

Սեռական հասունացման շրջանում ևս ունենում ենք խնդիրներ, որոնք պայմանավորված են վաղաժամ և ուշացած սեռական հասունացմամբ:

Մեզ դիմում են բուժառուներ` ձվարանների նորագոյացություններով պայմանավորված, որոնք հիմնականում լինում են կիստաների և կիստոմաների ձևով:

Կրծքագեղձերի հետ կապված հիվանդությունները, ֆիբրոադենոմաները, կիստաները վարում ենք մամոլոգի հետ համատեղ:

Եթե այս թեմայով ունեք հարցեր, ապա կարող եք դիմել անձնական նամակով, սիրով կպատասխանենք։

https://www.youtube.com/shorts/cD1iDCPSkSQ?feature=share