Ասեղնաբուժությունը ՝  ջեն-ձյու թերապիան, բուժման դասական մեթոդ է : Այն առավել էֆեկտիվ է ֆունկցիոնալ շեղումների ժամանակ: Ջեն-ձյու նշանակում է ասեղ-այրում, այսինքն ասեղով կամ ջերմացնելով ազդում ենք կենսակտիվ կետերի վրա՝ կարգավորելով էներգետիկ բալանսը:

Օրգանիզմում ինչպես գոյություն ունի արյան և ավշի շրջանառություն, այնպես էլ՝ էներգիայի, որը շրջանառվում է էներգետիկ կանալներով՝ մերիդիաներով, որոնք ունեն ներքին և արտաքին ուղի : Ներքին ուղին կապ է հաստատում օրգան-համակարգերը միմյանց հետ և ամեն ներքին ուղի ունի իր արտաքին ուղին, որոնց վրա էլ գտնվում են կենսակտիվ կետերը, որոնց միջոցով է կատարվում օրգանիզմի և շրջակա միջավայրի էներգետիկ փոխանակություն: Երբ օրգանիզմի վրա կա էկզոգեն կամ էնդոգեն ներգործություն, որի հետևանքով կենսակտիվ կետից լինում է էներգիայի շատ արտահոսք կամ խցանում՝ առաջանում է համապատասխան օրգանի ֆունկցիայի շեղում, որը հետագայում բերում է օրգանի սոմատիկ փոփոխության:

Քանի որ ասեղնաբուժությունը փիլիսոփայական գիտություն է , որն ունի իր կոնցեպցիա-ները , ֆիզիոլոգիական հիմունքները, պաթոֆիզիոլոգիական մեխանիզմները, ախտորոշման մեթոդները և բուժման եղանակները, ուստի ներգործության համար կետերը ընտրվում են ելնելով այդ կոնցեպցիաներից ՝ ըստ օրգանիզմի վիճակի:

Ասեղնաբուժությունը շատ արդյունավետ է բոլոր տեսակի ներիտների, նևրոզների, գլխացավերի, անքնության,օրգան-համակարգերի  ֆունկցիաների շեղումների և այլ դեպքերում:

Ասեղնաբուժությունը հակացուցված է արյան հիվանդությունների, չարորակ ուռուցք-ների, սուր ինֆեկցիոն հիվանդությունների  և շտապ վիրահատական ցուցվածության ժամանակ: