Անպտղությունը մարդու վերարտադրողական համակարգի ախտաբանություն է, որը հանդիպում է ինչպես կանանց, այնպես էլ տղամարդկանց մոտ:

Որոն՞ք են տղամարդու անպտղության պատճառները:

Տղամարդու անպտղությանը պատճառները բազմաթիվ են, կարող ենք առանձնացնել հետևյալները.

• գենետիկ հիվանդություններ,
• վարակներ,
• բորբոքումներ,
• ներզատական (էնդոկրին) համակարգի հիվանդություններ,
• միզասեռական համակարգի անատոմիական փոփոխություններ,
• շրջակա միջավայրի և ապրելակերպի գործոններ՝ ծխախոտի, թմրանյութերի, ստերոիդների օգտագործում, ալկոհոլի չարաշահում,
• տոքսիների ազդեցություն:

Ո՞ր տղամարդիկ են ներառվում անպտղության բարձ ռիսկի խմբում:

Անպտղության հավանականությունը բարձր է այն տղամարդկանց մոտ, ովքեր ունեցել են.

• վարիկոցելե՝ սերմնալարի երակների լայնացում,
• շագանակագեղձի բորբոքումներ,
• սեռական օրգանների վարակներ,
• ամորձիների վնասում կամ ոլորում, վաղաժամ կամ ուշացած սեռական հասունացում,
• բարձր ջերմային ազդեցություն սեռական օրգանների վրա,
• ճողվածքներ,
• չիջած ամորձիներ,
• ախտորոշված իմունային խնդիրներ, որի դեպքում հակամարմիններ են արտադրվում սերմի դեմ,
• որոշ գենետիկ հիվանդություններ:

Ո՞ր դեպքերում դիմել բժիշկի:

Եթե մեկ տարի շարունակ զույգը ապրում է կայուն, առանց հակաբեղմնավորիչ միջոցների կիրառմամբ սեռական կյանքով և չի գրանցում հղիություն, անհրաժեշտ է դիմել համապատասխան մասնագետի ու անցնել հետազոտություններ:

Ինչպե՞ս է հաղթահարվում տղամարդու անպտղությունը:

Տղամարդու անպտղությունը հնարավոր է բուժել և՛ վիրահատական, և՛ ոչ վիրահատական եղանակով: Վերջնական նպատակն է հասնել այն արդյունքին, որ տղամարդն ունակ լինի զավակ ունենալ բնական ճանապարհով: