Արտարգանդային հղիության բուժման դեղորայքային եղանակը նոր չէ, բայց քիչ է կիրառվում. 90% դեպքերում կիրառվում է բուժման վիրաբուժական եղանակը, որովհետև այն ապահովում է արագ, վերջնական արդյունք, սակայն` մեծավ մասամբ արգանդի փողի հեռացմամբ:

Ե՞րբ դիմել բուժման դեղորայքային եղանակին:

Դեղորայքային բուժման եղանակը կարելի է կիրառել՝ հիմնվելով սոնոգրաֆիկ տվյալների վրա, երբ, խորիոնային գոնադոտրոպինի /ԽԳ-ի/ համապատասխան մակարդակի ֆոնին հստակ երևում է պտղաձուն: Ըստ միջազգային ուղեցույցների, այդ մակարդակը մինչև 5000-ի դեպքում ապահովում է 92%-ից բարձր արդյունավետություն, իսկ մինչև 15000-ի դեպքում` արդյունավետությունը մոտավորապես 70-82% է:

Ինչպե՞ս է իրականացվում դեղորայքային բուժումը:

Բուժման այս մեթոդի ժամանակ ներարկվում է համապատասխան դեղորայք: Բայց, հաշվի առնելով արյունահոսության ռիսկերը, դեղորայքի ընդհատումն կատարվում է անպայման ստացիոնար պայմաններում, բժշկի հսկողության տակ, վերահսկելով նաև խորիոնային գոնադոտրոպինի (ԽԳ) ցուցանիշը:

Դեղորայքային բուժման դեպքում որքա՞ն է տևում վերականգնողական շրջանը:

Վերականգնման ընթացքի տևողությունը կախված է ԽԳ մակարդակից: Ամեն շաբաթ կամ` 2 շաբաթը մեկ, անհրաժեշտ է ստուգել այնքան, մինչև ԽԳ մակարդակը հավասարվի 0-ի: Այդ դեպքում հաստատվում է դեղորայքային բուժման հաջողությունը:

Դաշտանային ցիկլի լիարժեք վերականգնումից հետո հնարավոր է արդեն պլանավորել հաջորդ հղիությունը: Նույն մոտեցումն է նաև վիրահատական բուժման դեպքում: