Ի՞նչ է ֆոլիկուլյար կամ ֆունկցիոնալ կիստան և ե՞րբ է առաջանում։ 

Ֆոլիկուլյար կամ ֆունկցիոնալ կիստան բարորակ գոյացություն է, առաջանում է դոմինանտ ֆոլիկուլից, որը շարունակում է աճել, երբ ձվազատում տեղի չի ունենում` առաջացնելով հեղուկով լցված կիստա։

Որո՞նք են կիստաների առաջացման պատճառները։

• Հորմոնային խնդիրներ,
• փոքր կոնքում սուր վարակների առկայություն,
• նախկինում ձվարանի կիստա,
• հղիություն և այլն։

Ի՞նչ ախտանշաններով են ի հայտ գալիս Ֆոլիկուլյար կամ ֆունկցիոնալ կիստաները։

Ձվարանի կիստաների մեծ մասի դեպքում գանգատներ չեն լինում և ինքնուրույն անհետանում են:

Կարող են ի հայտ գալ հետևյալ ախտանշանները.

• կոնքային ցավեր՝ բութ կամ սուր ծակող ցավեր որովայնի ստորին հատվածի աջ կամ ձախ հատվածում ` կախված նրանից, թե կիստան որ ձվարանում է տեղակայված,
• որովանի փքվածություն,
• հեշտոցային անսովոր արյունահոսություն կամ սեռական հարաբերությանն ուղեկցող ցավ,
• երբեմն՝ հաճախամիզություն,
• դաշտանային ֆունկցիայի խանգարումներ։

Ի՞նչ բարդություններ կարող են առաջացնել։

• Ձվարանի ոլորում,
• կիստայի պատռվածք,
• չարորակացման ռիսկ դաշտանադադարը սկսված կանանց մոտ ։

Ո՞րքան հաճախ է ձվարանների կիստան վերածվում քաղցկեղի։

 Հազվադեպ, առաջացման ռիսկը կազմում է 4-6,6 %:

Ո՞ր չափերի ձվարանի կիստան է վտանգավոր։

 Վտանգավոր են 3-4 սմ չափերի կիստաները, քանի որ բարդությունների առաջացման մեծ ռիսկ պարունակում։

Ի՞նչպես ախտորոշել  ֆոլիկուլյար կամ ֆունկցիոնալ կիստան։

Ֆոլիկուլյար կամ ֆունկցիոնալ կիստաները ախտորոշվում են․

• գինեկոլոգիական զննմամբ,
• փոքր կոնքի ուլտրաձայնային հետազոտմամբ,
• մագնիսա-ռեզոնանսային շերտագրման հետազոտությամբ:

Ի՞նչ մեթոդներով են բուժում ֆոլիկուլյար կամ ֆունկցիոնալ կիստաները։

Բուժումը կախված է տարիքից և կլինիկական ախտանշաններից։ Սահմանվում է դինամիկ հսկողություն` 3-6 ամսվա ընթացում, կոնսերվատիվ բուժման հետ զուգահեռ։ Բուժման չենթարկվեկու կամ մեծ չափերի դեպքերում ցուցված է վիրահատական միջամտություն։