Բուժառուն` 51 տ. , դիմել էր` գանգատվելով անոմալ արգանդային արյունահոսությունից, որովայնի ստորին հատվածում ցավերից, որովայնի մեծանալու զգացողությունից, ընդհանուր թուլոոթյունից, ժամանակ առ ժամանակ` գլխապտույտից և զ\ճ պարբերաբար իջեցումից:

Բուժառուին կատարվել է ուլտրաձայնային հետազոտություն, հայտնաբերվել է արգանդի բազմահանգույց միոմա, մեծացած` 25-26 շաբաթական հղիության մեծության:

 կատարվել են անհրաժեշտ կլինիկա-լաբորատոր հետազոտությունները: Առավել ուշադրության արժանի էր արյան մեջ հեմոգլոբինի քանակը, որը կազմում էր 50գ\լ:

«Արգանդի բազմահանգույց միոմա, արյունահոսություն, սակավարյունություն» ախտորշմամբ, համապատասխան նախավիրահատական նախապատրաստումից հետո, բուժառուն վիրահատվեց` արգանդի էքստիրպացիա (արգանդափողերի ներառմամբ):

Բուժառուի մոտ նախա-, ներ- և հետվիրահատական շրջաններում իրականացվել է արյան փոխներարկում:

Վիրահատական և հետվիրահատական շրջաններն ընթացել են հարթ:

Բուժառուն դուրս է գրվել առողջացումով, և, ինչպես ինքնէ ասում, - «Այս կլինիկայում ուղղակի փրկեցին իմ կյանքը»: