Էնդոմետրիումի պոլիպները, հիմնականում, բարորակ գոյացություններ են, բայց որոշ դեպքերում դրանք կարող են չարորականալ կամ պարունակել նախաչարորակ բջիջներ։ Սա կախված է մի քանի գործոններից...՝

Հնարավոր չարորակացման ռիսկեր

• Տարիք – 50-ից բարձր կանանց մոտ ռիսկն ավելի բարձր է
• Հորմոնալ դիսբալանս – մասնավորապես էստրոգենի գերակշռությամբ պայմանավորված ֆոն
• Անհավասար դաշտանային ցիկլ կամ հետդաշտանադադարային արյունահոսություն
• Պոլիպի չափը – ավելի մեծ պոլիպների դեպքում ռիսկը մի քիչ բարձր է

Պոլիպի տեսակները

Կան հիստոլոգիապես տարբեր տեսակի պոլիպներ, որոնցից որոշները (օրինակ՝ ատրիպիկ հիպերպլազիայի հետ) կարող են ունենալ նախաչարորակ հակում

Հիմնական ախտանիշները

• Անհավասար դաշտանային ցիկլ
• Դաշտանի երկարում, ուժեղ արյունահոսություն կամ հաճախակիություն։
• Միջցիկլային արյունահոսություն
• Հետդաշտանադադարային արյունահոսություն

Նշվածները չափազանց լուրջ ազդակներ են, որոնք անտեսել, պարզապես չի կարելի։ 

Ի՞նչ հետևանքներ և իրավիճակներ են առաջացնում պոլիպները.

• Անպտղություն կամ հղիության դժվարություն
• Պոլիպը կարող է խանգարել բեղմնավորմանը կամ սաղմի ներարգանդային տեղադրմանը
• Ցավ կամ ճնշման զգացողություն։

Ի՞նչ անել

Էնդոմետրիումի պոլիպների հետագա չարորակացումը կանխելու, հիվանդագին վիճակից ձերբազատվելու կարևոր նախապայման է բուժումը չհետաձգելը։
Բուժման արդյունավետ մեթոդ է համարվում էնդոմետրիումի պոլիպի հեռացումը՝ հիստերոսկոպիկ եղանակով։ Հիստերոսկոպիան հնարավորություն է ընձեռում վիրաբույժին տեսնել և ամբողջությամբ հեռացնել պոլիպը։ Ամենակարևորը՝ վստահ լինել, որ գոյացությունն ամբողջությամբ է հեռացված։