Մազաթափության առաջացման հիմնական գործոններից են հորմոնալ փոփոխությունները։ Հղիության ընթացքում էսթրոգեն հորմոնի մակարդակը զգալիորեն բարձրանում է, ինչը երկարացնում է մազերի ակտիվ աճի փուլը...։ Արդյունքում մազերը գրեթե չեն թափվում և նույնիսկ դառնում են ավելի խիտ։ Սակայն ծննդաբերությունից հետո հորմոնալ դաշտը կտրուկ փոխվում է․ էսթրոգենի քանակը նվազում է, և այն մազերը, որոնց թափվելը ժամանակավորապես կասեցվել էր, սկսում են թափվել։

Մազերի վիճակի վրա կարող է ազդել նաև վիտամինների ու միկրոէլեմենտների պակասը։ Հղիությունն ու կրծքով կերակրումը սպառում են օրգանիզմում երկաթի, ցինկի, վիտամին D-ի, B12-ի և այլ կարևոր նյութերի պաշարները։

Բացի այդ, ժամանակավոր մազաթափության պատճառ կարող են լինել սթրեսը, քնի պակասը, ինչպես նաև հիպոթիրեոզը՝ վահանագեղձի հորմոնների պակասը։

Ծննդաբերությունից հետո մազաթափությունն անցողիկ է, և կապված է օրգանիզմում տեղի ունեցող բնական գործընթացների հետ։ Ճիշտ խնամքի և սննդակարգի դեպքում մազերի խտությունը աստիճանաբար վերականգնվում է:

Մազերի վերականգմանը նպաստելու համար հարկ է սննդակարգում ներառել բավարար քանակությամբ սպիտակուց, երկաթ, օմեգա-3 և B խմբի վիտամիններ:

Խորհուրդ է տրվում խուսափել շատ ձգված սանրվածքց, մազերը գունաթափելու կամ տաքացնելով ձևավորելու միջոցառումներից, ինչպես նաև` մազերի ագրեսիվ ներկումից։ Բացի այդ, ցանկալի է ստուգել օրգանիզմում երկաթի, ֆերիտինի և վահանագեղձի հորմոնների մակարդակը, քանի որ դրանց պակասը նույնպես նպաստում է մազաթափությանը։

Ամռանը մազերը պահանջում են հատուկ խնամք, և կարևոր է օգտագործել սուլֆատ չպարունակող շամպուններ։ Խորհուրդ է տվում օգտագործել մազերի համար արևապաշտպան սփրեյներ և կրել գլխարկ։