Ո՞ր սեռավարակներն են առավել վտանգավոր տղամարդու վերարտադրողական առողջության համար։

Տղամարդու վերարտադրողական առողջության համար ամենահաճախ հանդիպող վտանգավոր սեռավարկների հարուցիչներն են....

• գարդներելա,
• ուրեապլազմա,
• միկոպլազմա,
• տրիխոմոնազ,
• նեյսերիա,
• խլամիդիա և այլն:

 Ինչպե՞ս են սեռավարակներն ազդում պտղաբերության վրա։

 Սեռավարկները տղամարդու վերարտադրողական համակարգում առաջաջացնում են հետևյալ հիվանդությունները ՝ ուրեթրիտ (միզուկի բորբոքում), պրոստատիտ (շագանակագեղձի բորբոքում) , վեզիկուլիտ (սերմնաբշտերի բորբոքում), օրխիտ (ամորձու բորբոքում), էպիդիդիմիտ (մակամորձու բորբոքում), որոնք էլ անպտղության պատճառ են:

 Ի՞ նչ պարբերականությամբ պետք է տղամարդիկ հետազոտվեն` սեռավարակներից խուսափելու համար։

 Ցանկացած չպաշտպանված սեռական հարաբերություն կարող է սեռավարակի ձեռքբերման պատճառ դառնալ: Այդ պատճառով խորհուրդ է տրվում չպաշտպանված սեռական հարաբերություն ունենալուց հետո դիմել մասնագետի ՝ համապատասխան հետազոտությունները ճիշտ կազմակերպելու համար:

 Եթե չկան ախտանշաններ, արդյոք դա նշանակո՞ւմ է, որ սեռավարակներ չկան:

 Ո՛չ, քանի որ ներկայում մի շարք վտանգավոր սեռավարակներ կարող են ընթանալ առանց կլինիկական ախտանշանների:

 Ինչպե՞ս կարելի է պաշտպանվել սեռավարակներից և դրանց հետևանքներից։

 Սեռավարակներից խուսափելու համար խորհուրդ է տրվում օգտագործել պահպանակ, չունենալ պատահական սեռական կապեր: Իսկ այն զույգերն, ովքեր ապրում են չպաշտպանված սեռական կյանքով, պետք է միասին անցնեն որոշ հետազոտություններ` հետագա խնդիրներից խուսափելու համար: