Հղիությունը սկսվում է ոչ թե բեղմնավորումից, այլ այդ որոշման գիտակցված և  պատասխանատու ընդունումից... : Վերարտադրողական առողջության ճիշտ գնահատումն ու նախապատրաստումը կարևոր են ինչպես հղիանալու, այնպես էլ հղիության անվտանգ ընթացքի, ապագա մայրիկի և նորածնի առողջության ապահովման համար։

Ինչի՞ց սկսել

Հղիության նախապատրաստումը ցանկալի է սկսել մոտ երեք ամիս առաջ՝

• այցելելով գինեկոլոգի,
• անցնելով արյան ընդհանուր և մեզի որոշակի հետազոտություններ,
• բացառելով բորբոքային և վարակային հիվանդությունները,
• կատարելով փոքր կոնքի օրգանների գերձայնային հետազոտություն,
• պարզելով ռեզուս գործոնը և անհրաժեշտության դեպքում ստանալով համապատասխան խորհրդատվություն:

Որ՞ գործոններն են պահանջում հատուկ ուշադրություն:

Հղիությանը  նախապատրաստվելիս կարևոր է բացառել այն պայմանները, որոնք կարող են ազդել բեղմնավորման կամ հղիության բնականոն ընթացքի վրա․

• քրոնիկ հիվանդությունների սրացումներ,
• սեռական ճանապարհով փոխանցվող վարակներ,
• հորմոնալ անհավասարակշռություն,
• վնասակար սովորություններ՝ ծխախոտ, ալկոհոլ, հոգեմետ նյութեր,
• ծանր ֆիզիկական աշխատանք:

Վերարտադրողական առողջությունը անմիջականորեն կապված է ապրելակերպի հետ.

• առողջ սննդակարգ,
• քնի ճիշտ ռեժիմ,
• մտավոր և ֆիզիկական ծանրաբեռնվածության բալանսավորում:
• Շատ  նշանակալի են՝
  -  Ֆոլաթթուն (B9)՝  նվազեցնում է պտղի զարգացման բնածին շեղումների ռիսկը,
  -  Վիտամին E՝  նպաստում է սեռական բջիջների առողջ հասունացմանը,
  -  Յոդը, վիտամին D3-ը և երկաթը՝  նպաստում են վերարտադրողական գործառույթների ճիշտ ընթացքին:

Այս համալիր մոտեցումն անհրաժեշտ է յուրաքանչյուր զույգի, քանի որ նույնիսկ արտաքուստ առողջ մարդիկ կարող են ունենալ թաքնված գործոններ, որոնք ցանկալի է պարզել և կարգավորել նախքան հղիանալը։