60 տարեկան բուժառուն դիմել էր Մարգարյան ծննդատուն՝ գանգատվելով ցավոտ և դժվարացած միզարձակումից, աճուկային շրջանում սուր ցավերից։

Կատարված անհրաժեշտ լաբորատոր-գործիքային հետազոտությունների արդյունքում ախտորոշվել է հազվադեպ տեղակայմամբ և մեծ չափերի միոմատոզ հանգույց, որը ամբողջությամբ զբաղեցնում էր փոքր կոնքը՝ ճնշելով անատոմիական կարևոր կառույցները՝ միզածորանները, ազդրային զարկերակներն ու երակները։

Կանխատեսելով հնարավոր ներվիրահատական բարդությունները՝ նախապես իրականացվել է միզածորանների ստենդավորում, այնուհետև՝ կատարվել է արգանդի հեռացում հավելումներով։

Վիրահատությունն ընթացել է առանց բարդությունների, բուժառուն դուրս է գրվել հետվիրահատական շրջանի 3-րդ օրը։

Նման դեպքերը համարվում են եզակի՝ աշխարհում հանդիպելով մոտավորապես 0.6–1% հաճախականությամբ։

Կանոնավոր զննումներն ու ժամանակին դիմելը մասնագետին կարևոր են նման բարդությունների կանխարգելման և արդյունավետ բուժման համար։