Պացիենտներին հուզող հարցերին պատասխանում է Մոր եւ մանկան առողջության պահպանման գիտահետազոտական կենտրոնի մանկաբարձ-գինեկոլոգ, բ.գ.թ. Քրիստինա Աբրահամյանը

Արդյո՞ք սթրեսը կարող է միոմայի պատճառ լինել: Կա՞ն մեթոդներ՝ խուսափելու վիրահատական միջամտությունից:

«Ցավոք, վերջին տասնամյակում նկատվում է արգանդի հորմոնակախյալ հիվանդությունների աճ: Արգանդի միոման գինեկոլոգիական ամենահաճախ հանդիպող հիվանդություններից է: Միոմայի զարգացման նպաստող հիմնական գործոններ են.

1. ժառանգական նախատրամադրվածությունը,
2. հորմոնալ խանգարումներ, հիմնականում` էսթրոգենի,
3. հղիության հաճախակի արհեստական ընդհատումները եւ ներարգանդային պարույրի օգտագործումը,
4. ադենոմիոզը,
5. նյութափոխանակման խանգարումներ, մասնավորապես, ճարպակալումը, շաքարային դիաբետը,
6. փոքր կոնքի խոռոչի բորբոքային հիվանդությունները,
7. Բացի այդ, վերջին հետազոտությունները ցույց են տվել, որ գոյություն ունի ուղիղ կապ արգանդի միոմայի զարգացման եւ սթրեսի միջեւ: Երկարատեւ եւ մշտական սթրեսները ճնշում են ձվարանների, մակերիկամների եւ վահանաձեւ գեղձի աշխատանքը: