2020 Հուն 29, Երկուշաբթի
Ի՞նչ է ձվազատումը:
Ձվազատումը` օվուլյացիան, ձվարանի ֆոլիկուլից հասուն ձվաբջջի արտահոսքն է որովայնի խոռոչ։ Այս գործընթացն ունի բարդ կարգավորումներ և, ընդհանուր առմամբ, բնութագրում է վերարտադրողական առողջությունը։ Առանց օվուլյացիայի անհնարին է դառնում կնոջ համար ամենակարևորը՝ մայրանալը: Կանայք յուրաքանչյուր ամիս սպասում են ձվազատմանը և պարբերաբար հաշվարկում այն:
Վերարտադրողական տարիքի կանանց մեծ մասի մոտ օվուլյացիան տեղի է ունենում ամիսը մեկ անգամ, բացառությամբ` հղիության և լակտացիայի ժամանակահատվածների:
Որո՞նք են ձվազատման նշանները
Օվուլյացիայի ընդհանուր նշաններից է արգանդի վզիկի լորձի կազմի փոփոխությունը: Վերարտադրողական տարիքի բոլոր կանանց մոտավորապես 20 տոկոսը օվուլյացիայի շրջանում նշում է ցավի առկայություն։ Այդ օրերին որոշ կանայք ունենում են նաև սրտխառնոց և արյունային արտադրություն` հեշտոցից ։
Ինչպիսի՞ն է ցավի բնույթը, և որքա՞ն է տևողությունը:
Վիճակագրությունը ցույց է տալիս, որ կանանց մոտավորապես կեսը ցավ է զգում դաշտանային ցիկլի միջանկյալ ժամանակահատվածում:
Միջին դաշտանային ցիկլի ընթացքում (28 օր) ձվազատման ցավը սկսվում է դաշտանային ցիկլի առաջին օրից մոտավորապես երկու շաբաթ անց և համընկնում է ֆոլիկուլի պատռման ու հասուն ձվաբջիջի ազատման հետ:
Ցավը կարող է առաջանալ օվուլյացիայից առաջ, ընթացքում կամ` հետո:
Ցավի զգացողությունները, որպես կանոն, միակողմանի են, տեղակայված են որովայնի աջ կամ ձախ մասում՝ կախված նրանից, թե ձվազատումը որ ձվարանից է տեղի ունեցել: Այս երևույթը կարող է պահպանվել մի քանի ժամից մինչև մի քանի օր: Հաջորդ դաշտանային ցիկլի ընթացքում ցավը կարող է տեղակայվել հակառակ կողմը:
Երբեմն ցավն ուղեկցվում է հեշտոցից արյունային արտադրությամբ։
Որո՞նք են ձվազատման ժամանակ ի հայտ եկող ցավի պատճառները:
Ճշգրիտ պատճառն անհայտ է, սակայն կան մի քանի հիմնավոր բացատրություններ: Դրանցից է՝ ձվարանների ֆոլիկուլյար այտուցը: Օվուլյացիայից անմիջապես առաջ ձվաբջիջ պարունակող հասուն ֆոլիկուլի աճը մեծացնում է ձվարանի մակերեսը ՝ առաջացնելով ցավ:
Հաջորդ բացատրությունը` ձվարանի պատի պատռումն է: Պատճառներից է նաև որովայնամզի գրգռումը: Երբ ձվաբջիջը զարգանում է, այն շրջապատված է ֆոլիկուլյար հեղուկով: Օվուլյացիայի պահին, ձվաբջիջ պարունակող հասուն ֆոլիկուլի պատռմամբ, այդ հեղուկը` քիչ քանակությամբ արյան հետ, հոսում է որովայնի խոռոչ, և կարող է գրգռել որովայնի խոռոչի լորձաթաղանթը։ Հեղուկը ներծծվելուց հետո ցավն անհետանում է: Ցավը կարող է կապ ունենալ նաև արգանդափողերի կծկողականության հետ
Ե՞րբ դիմել բժշկի:
Եթե ձվազատման ցավն անհանգստություն է պատճառում, տևում է ավելի` քան երեք օր, կամ կապված է այլ անսովոր ախտանշանների հետ, պետք է դիմել գինեկոլոգի խորհրդատվության։ Օվուլյացիայի հետ կապված ցավի գնահատման համար խորհուրդ է տրվում հետևել դաշտանային ցիկլերին ՝ նշելով ցավերի դրվագները և նրանց տեղակայությունը:
Ինչպե՞ս բուժել ցավոտ օվուլյացիան:
Արդյունավետ բուժում կարող է լինել հակաբեղմնավորիչների կիրառումը։ Հակաբեղմնավորիչները փոխում են կանանց հորմոնալ ցիկլը՝ կանխելով օվուլյացիան: Սուր ցավերի դեպքում խորհուրդ է տրվում ցավազրկողների, ինչպես նաև ոչ ստերոիդ հակաբորբոքային դեղերի կիրառում։ Բարձր արդյունավետություն ունեն բուսապատրաստուկների կիրառումը։ Նման դեպքերում խորհուրդ է տրվում նաև խուսափել սննդակարգում խմորիչների և կաթնամթերքի ներառումից:
Յուրաքանչյուր նման պատմության մեջ կա հավատ, համբերություն և մեծ ճանապարհ, իսկ ամենակարևորը՝ ճիշտ մասնագիտական ուղեկցություն...
Կարդալ ավելին»
1. Արդյո՞ք կարելի է հղիության ընթացքում այցելել ատամնաբույժի: Այո, իհարկե: Հղիության ընթացքում կարելի է և նույնիսկ ցուցված է այցելել ատամնաբույժի: Ատամների խնդիրը չլուծված թողնելը կարող է ավելի ռիսկային լինել, քան բուժումը: 2. Հղիության ո՞ր եռամսյակն է ամենահարմարը և անվտանգը ատամնաբույժի այցելելու համար: Ատամնաբույժի այցելելու ամենաապահով և հարմար ժամանակը 2-րդ եռամսյակն է, երբ արդեն պտղի օրգանները ձևավորված են: 1-ին եռամսյակ` միջամտություններ իրականացվում է միայն ծայրահեղ անհրաժեշտության դեպքում (ցավ, վարակ, թարախակալում ունեցող բորբոքում) : Առաջնահերթությունը տրվում է մորը: 3-րդ եռամսյակ` ավտանգ ժամանակաշրջանն է միաջամտություններ իրականացնելու համար : Կարևորագույն պայմանը, որին հատկապես պետք է ուշադրություն դարձնել հղիի դիրքն է միջամտությունների աթոռին : Ցանկալի է աշխատել նստած, երկար ժամանակով չպառկեցնել: 3. Կարելի՞ է բուժել կամ հեռացնել ատամ հղիության ընթացքում: Այո, հղիության ընթացքում կարելի է հեռացնել, բուժել ատամ, քանի որ երբեմն խնդիրը չլուծված թողնելը կարող է հանգեցնել շատ ավելի վտանգավոր ելքի: 4. Ի՞նչ անզգայացում է իրականացվում ատամնաբուժական միջամտություն կատարելու դեպքում: Օգտագործվում է հղիության ընթացքում անվտանգ համարվող տեղային անզգայացնող միջոցներ : Դեղամիջոցը արագ դուրս է գալիս օրգանիզմից, կարելի է ասել պլացենտայի բարիերը չանցնելով: Ավելի ապահով է ճիշտ ցավազրկումը, քան ցավին դիմանալը: Սթրեսը վտանգ է պտղի համար: 5. Արդյո՞ ք վնասակար է ատամների պլոմբավորման ընթացքում կիրառվող ուլտրամանուշակագույն լամպը: Ատամի պլոմբավորման ժամանակ կիրառվող ուլտրամանուշակագույն լամպի կիրառումն անվնաս է, գործում է տեղային, չի անցնում ամբողջ օրգանիզմով և չի հասնում պտղին: 6. Կարելի՞ է արդյոք հղիության ընթացքում կատարել ատամների ռենտգեն հետազոտություն: Հղիության ընթացքում հրատապ իրավիճակներում թույլատրվում է կատարել ռենտգեն հետազոտություն : Պետք է նշել , որ ժամանակակից սարքավորումները ունեն շատ ցածր ճառագայթում : Ռենտգեն հետազոտություն իրականացնելու ժամանակ հղին պարտադիր հագնում է պաշտպանիչ կապարե գոգնոց : 7. Ի՞նչ միջամտություններ չի կարելի իրականացնել հղիության ընթացքում: Հղիության ընթացքում ցանկալի է խուսափել վիրաբուժական ( իմպլանտացիա, լնդային, ծնոտային վիրահատություններ…), կոսմետիկ (ատամների ձևի, գույնի, դեֆեկտների շտկում, լնդերի էսթետիկ միջամտություններ, զարդերի տեղադրում…) միջամտություններից: 8. Կարելի՞ է արդյոք մաքրել ատամնաքարերը և ատամնափառը: Այո, հղիության ընթացքում կարելի է և պարտադիր է ատամնաքարերի, ատամնափառի մաքրումը, քանի որ դրանք հանդիսանում են վարակի առաջնային օջախ և կարող են հեշտությամբ տարածվել արյան միջոցով, վնասել ինչպես մորը այնպես էլ պտղին: Ատամնաքարերի և ատամնափառի հեռացումը կատարվում է հետևյալ տարբերակներով. ուլտրաձայնային մաքրում, հատուկ մածուկներով փայլեցում (փոլիշ), air-flow մաքրում (տեխնիկան կիրառվում է ատամների և միջատամնային անհասանելի հատվածների մաքրման համար) : Վերը նշված գործընթացները անվնաս են և նպաստում են բերանի խոռոչի հիգիենայի բարելավմանը: 9. Ատամի ցավի դեպքում կարելի՞ է օգտագործել ցավազրկող դեղեր: Այո, կան դեղահաբեր որոնք թուլատրելի են, սակայն ցավազրկողն ընդունելուց առաջ պարտադիր է խորհրդակցել մասնագետի հետ: 10. Ինչո՞ւ է հղիության ընթացքում հաճախ առաջանում լնդերի արյունահոսություն: Հորմոնալ փոփոխությունները որոնք տեղի են ունենում օրգանիզմում հղիության ընթացքում նպաստում են լնդերի արյունահոսության առաջացման: 11. Ինչպե՞ս խնամել ատամնաշարը և բերանի խոռոչը հղիության ընթացքում: Հղիության ընթացքում կնոջ օրգանիզմում տեղի ունեցող փոփոխությունները կարող են ազդել ինչպես ատամների, այնպես էլ լնդերի առողջության վրա, սակայն ճիշտ խնամքը մեզ թույլ կտա խուսափել արյունահոսություններից, տհաճ համի, հոտի զգացումից, հետագա բարդություններից: Ուստի խորհուրդ է տրվում ատամները լվանալ օրական առնվազն երկու անգամ, կատարել խոտաբույսերով պատրաստված թուրմով ողողումներ, սահմանափակել շաքարային սնունդը, նախապատվությունը տալ կալցիումով և վիտամին D-ով հարուստ մթերքներին: Սիրելի հղիներ, ևս մեկ անգամ հիշեցնում ենք, որ յուրաքանչյուր եռամսյակում կարևոր է այցելել ատամնաբույժի, անցնել համապատասխան զննում, խորհրդատվություն բարդացումներից խուսափելու համար: Հիշեք ավելի անվտանգ է ժամանակին խնդրի կանխումը:
Կարդալ ավելին»
39 տարեկան կինը, ով շուրջ 4 տարի տառապել է անպտղությամբ, դիմել է մեր կլինիկա։ Կատարվել են......
Կարդալ ավելին»
«ՄԱՐԳԱՐՅԱՆ ԾՆՆԴԱՏՈՒՆ» Մոր և մանկան առողջության պահպանման գիտահետազոտական կենտրոն
Հայաստանի Հանրապետություն
2018 Բոլոր իրավունքները պաշտպանված են
Հայերեն
English
Русский