Բեղմնավորման ունակությունն ընդունված է անվանել ֆերտիլություն: Հենց այդ պահին է իրականանում երկար սպասված հղիությունը: Օրգանիզմի կենսաբանական ռիթմի իմացությունը թույլ է տալիս ինքնուրույն որոշել երեխայի բեղմնավորման օրը: Հարկ է նշել, որ տղամարդու օրգանիզմը  միշտ պատրաստ է բեղմնավորման գործընթացին՝ պայմանավորված տղամարդու մշտական ֆերտիլությամբ:

Մինչդեռ կնոջ օրգանիզմը ենթակա է տարբեր գործոնների ազդեցության, որոնք դրական կամ բացասական ազդեցություն են ունենում ձվազատման վրա: Ըստ վիճակագրության, կնոջ օրգանիզմն ընդունակ է հղիանալ իր կյանքի ընթացքի միայն 4% դեպքերում:

Բեղմնավորման պահը որոշելու առաջին նշանը դաշտանային ցիկլն է: Որպես օրենք, այն կարելի է բաժանել 3 հիմնական շրջանների: Առաջինը  ձվաբջջի աճման պահն է: Այս ընթացքում բեղմնավորման և հղիության հնարավորությունը նվազագույն է: Երկրորդ շրջանը ձվաբջջի դուրս գալն է ձվարանից: Հենց այս շրջանն է ենթադրում բեղմնավորման գործընթացը: Երրորդ շրջանը լիովին անպտուղ է, քանի որ այս ընթացքում տեղի է ունենում ձվաբջջի ոչնչացում:

Կան երկրորդ փուլը ճանաչելու մի քանի նշաններ: Ամենատարածվածը և ստույգը համարվում են արգանդի դիրքը, վզիկային լորձի առկայությունը, բազալ ջերմությունը:

Հնարավոր բեղմնավորման պահին արգանդի վզիկը լինում է փափուկ ու խոնավ և հեշտոցում գրավում է վերին դիրք: Օվուլյացիայից առաջ և հետո արգանդի վզիկը բավականին պինդ է, իսկ խողովակը՝ փակ: Որոշման համար անհրաժեշտ է ամեն օր նույն ժամին ինքնուրույն հետազոտել` շոշափումով: Վզիկային լորձի արտաքին տեսքն ընդունում է թափանցիկ և լպրծուն բնույթ: Մյուս շրջաններում այն բավականին պղտոր է, կպչուն, այդ պատճառով ընդդիմանում է սպերմատոզոիդների թափանցմանը ձվաբջջի մեջ: Եթե լորձը հիշեցնում է հում ձվի սպիտակուց, դա նշանակում է, որ տեղի է ունեցվել ձվազատում:

Բազալ ջերմության կտրուկ բարձրացումը խոսում է բեղմնավորման պահի մասին, որը պայմանավորված է պրոգեստերոնի արտադրման հետ: Որպես օրենք, ջերմությունը որոշվում է առավոտյան ժամերին` դեռ անկողնում: Ավելի ստույգ որոշումը հնարավոր է ջերմաչափի ներդրումով հեշտոցի և ուղիղ աղու մեջ:

Ավելի ցայտուն նշաններ են համարվում կրծքագեղձերի մեծացումը, դրանց ցավոտությունը և պտուկների բարձրացած զգայունությունը, ձվազատման ցավերը և հետքերը` սավանի վրա: