2021 Օգս 20, Ուրբաթ
Մոր և մանկան առողջության պահպանման գիտահետազոտական կենտրոնի, ԵՊԲՀ համաճարակաբանության ամբիոնի և Լոնդոնի Արևմտյան համալսարանի նախաձեռնությամբ կազմակերպվել է «Կովիդ-19 և հակամանրէային կայունություն» թեմայով գիտագործնական կոնֆերանս՝ միջազգային մասնակցությամբ:
Բացման խոսքով հանդես եկան ՄՄԱՊԳՀԿ տնօրեն պրոֆեսոր Գ.Գ. Օկոևը, ԵՊԲՀ համաճարակաբանության ամբիոնի դոցենտ Մ.Մ. Տեր-Ստեփանյանը և West London University-ի մանրէաբանության ոլորտում պրոֆեսոր Հերմինե Մկրտչյանը: Գիտաժողովը համավարակի փուլում առկա քննարկման առաջին փորձերից է, որտեղ մասնագետներն անդրադարձան վարակի կանխարգելման և դրա դեմ պայքարի ասպարեզում իրենց ձեռքբերումներին և ձախողումներին:
Ելույթներով հանդես եկան ՀՀ ԳԱԱ գրականության ինստիտուտի ավագ գիտաշխատող Ն. Համբարձումյանը, ՀՀ ԱՆ ՀՎԿԱԿ վարակիչ և ոչ վարակիչ հիվանդությունների համաճարակաբանության վարչության պետ Ռ. Աբովյանը, ԵՊԲՀ հիգիենիկ և հակահամաճարակային ամբիոնի բաժնի պետ Կ. Պողոսյանը, ԵՊԲՀ համաճարակաբանության ամբիոնի դասախոսներ Մ. Տեր-Ստեփանյանը, Ա. Բադալյանը, Ն. Մելքոնյանը, ՀՀ ԱՆ անձնակազմի կառավարման վարչության պետ Ք. Գյուրջյանը, Դեղերի և բժշկական տեխնոլոգիաների փորձագիտական կենտրոնի փոխտնօրեն Լ. Ղազարյանը, ՀՎԿԱԿ ռեֆերենս լաբորատորիայի մանրէաբան Ն. Կոծինյանը, ԵՊԲՀ համաճարակաբանության ամբիոնի կլինիկական օրդինատոր Գ. Օհանյանը: Բանախոսներն անդրադարձան կորոնավիրուսային վարակի համաճարակաբանական առանձնահատկություններին, համաճարակների վերաբերյալ համաշխարհային գրականության դիտարկումներին, վարակի կանխարգելման ներհիվանդանոցային հիմնախնդիրներին, ինֆոդեմիայի գերակա նշանակությանը` սոցիալական վարքագծի ձևավորման տեսանկյունից:
Գիտաժողովի երկրորդ մասը հիմնականում նվիրված էր հակամանրէային կայունության հիմնախնդրին, Հայաստանում իրականացված հետազոտություններին և ձեռքբերումներին: ՄՄԱՊ ԳՀԿ համաճարակաբանության գծով փոխտնօրեն, ներհիվանդանոցային վարակի հսկողության ծառայության ղեկավար Մ. Տեր-Ստեփանյանը ներկայացրեց ՄՄԱՊ ԳՀԿ-ում վերաբացված մանրէաբանական լաբորատորիան, որը վերազինվել և վերապրոֆիլավորվել է առավելապես հոսպիտալային շտամների տարբերակման, գենոմի սեկվենավորման ուղղությամբ:
Գիտաժողովն ավարտվեց մասնագիտական բուռն քննարկմամբ և առավել բարենպաստ համաճարակային իրավիճակում հանդիպելու մաղթանքներով:
Յուրաքանչյուր նման պատմության մեջ կա հավատ, համբերություն և մեծ ճանապարհ, իսկ ամենակարևորը՝ ճիշտ մասնագիտական ուղեկցություն...
Կարդալ ավելին»
1. Արդյո՞ք կարելի է հղիության ընթացքում այցելել ատամնաբույժի: Այո, իհարկե: Հղիության ընթացքում կարելի է և նույնիսկ ցուցված է այցելել ատամնաբույժի: Ատամների խնդիրը չլուծված թողնելը կարող է ավելի ռիսկային լինել, քան բուժումը: 2. Հղիության ո՞ր եռամսյակն է ամենահարմարը և անվտանգը ատամնաբույժի այցելելու համար: Ատամնաբույժի այցելելու ամենաապահով և հարմար ժամանակը 2-րդ եռամսյակն է, երբ արդեն պտղի օրգանները ձևավորված են: 1-ին եռամսյակ` միջամտություններ իրականացվում է միայն ծայրահեղ անհրաժեշտության դեպքում (ցավ, վարակ, թարախակալում ունեցող բորբոքում) : Առաջնահերթությունը տրվում է մորը: 3-րդ եռամսյակ` ավտանգ ժամանակաշրջանն է միաջամտություններ իրականացնելու համար : Կարևորագույն պայմանը, որին հատկապես պետք է ուշադրություն դարձնել հղիի դիրքն է միջամտությունների աթոռին : Ցանկալի է աշխատել նստած, երկար ժամանակով չպառկեցնել: 3. Կարելի՞ է բուժել կամ հեռացնել ատամ հղիության ընթացքում: Այո, հղիության ընթացքում կարելի է հեռացնել, բուժել ատամ, քանի որ երբեմն խնդիրը չլուծված թողնելը կարող է հանգեցնել շատ ավելի վտանգավոր ելքի: 4. Ի՞նչ անզգայացում է իրականացվում ատամնաբուժական միջամտություն կատարելու դեպքում: Օգտագործվում է հղիության ընթացքում անվտանգ համարվող տեղային անզգայացնող միջոցներ : Դեղամիջոցը արագ դուրս է գալիս օրգանիզմից, կարելի է ասել պլացենտայի բարիերը չանցնելով: Ավելի ապահով է ճիշտ ցավազրկումը, քան ցավին դիմանալը: Սթրեսը վտանգ է պտղի համար: 5. Արդյո՞ ք վնասակար է ատամների պլոմբավորման ընթացքում կիրառվող ուլտրամանուշակագույն լամպը: Ատամի պլոմբավորման ժամանակ կիրառվող ուլտրամանուշակագույն լամպի կիրառումն անվնաս է, գործում է տեղային, չի անցնում ամբողջ օրգանիզմով և չի հասնում պտղին: 6. Կարելի՞ է արդյոք հղիության ընթացքում կատարել ատամների ռենտգեն հետազոտություն: Հղիության ընթացքում հրատապ իրավիճակներում թույլատրվում է կատարել ռենտգեն հետազոտություն : Պետք է նշել , որ ժամանակակից սարքավորումները ունեն շատ ցածր ճառագայթում : Ռենտգեն հետազոտություն իրականացնելու ժամանակ հղին պարտադիր հագնում է պաշտպանիչ կապարե գոգնոց : 7. Ի՞նչ միջամտություններ չի կարելի իրականացնել հղիության ընթացքում: Հղիության ընթացքում ցանկալի է խուսափել վիրաբուժական ( իմպլանտացիա, լնդային, ծնոտային վիրահատություններ…), կոսմետիկ (ատամների ձևի, գույնի, դեֆեկտների շտկում, լնդերի էսթետիկ միջամտություններ, զարդերի տեղադրում…) միջամտություններից: 8. Կարելի՞ է արդյոք մաքրել ատամնաքարերը և ատամնափառը: Այո, հղիության ընթացքում կարելի է և պարտադիր է ատամնաքարերի, ատամնափառի մաքրումը, քանի որ դրանք հանդիսանում են վարակի առաջնային օջախ և կարող են հեշտությամբ տարածվել արյան միջոցով, վնասել ինչպես մորը այնպես էլ պտղին: Ատամնաքարերի և ատամնափառի հեռացումը կատարվում է հետևյալ տարբերակներով. ուլտրաձայնային մաքրում, հատուկ մածուկներով փայլեցում (փոլիշ), air-flow մաքրում (տեխնիկան կիրառվում է ատամների և միջատամնային անհասանելի հատվածների մաքրման համար) : Վերը նշված գործընթացները անվնաս են և նպաստում են բերանի խոռոչի հիգիենայի բարելավմանը: 9. Ատամի ցավի դեպքում կարելի՞ է օգտագործել ցավազրկող դեղեր: Այո, կան դեղահաբեր որոնք թուլատրելի են, սակայն ցավազրկողն ընդունելուց առաջ պարտադիր է խորհրդակցել մասնագետի հետ: 10. Ինչո՞ւ է հղիության ընթացքում հաճախ առաջանում լնդերի արյունահոսություն: Հորմոնալ փոփոխությունները որոնք տեղի են ունենում օրգանիզմում հղիության ընթացքում նպաստում են լնդերի արյունահոսության առաջացման: 11. Ինչպե՞ս խնամել ատամնաշարը և բերանի խոռոչը հղիության ընթացքում: Հղիության ընթացքում կնոջ օրգանիզմում տեղի ունեցող փոփոխությունները կարող են ազդել ինչպես ատամների, այնպես էլ լնդերի առողջության վրա, սակայն ճիշտ խնամքը մեզ թույլ կտա խուսափել արյունահոսություններից, տհաճ համի, հոտի զգացումից, հետագա բարդություններից: Ուստի խորհուրդ է տրվում ատամները լվանալ օրական առնվազն երկու անգամ, կատարել խոտաբույսերով պատրաստված թուրմով ողողումներ, սահմանափակել շաքարային սնունդը, նախապատվությունը տալ կալցիումով և վիտամին D-ով հարուստ մթերքներին: Սիրելի հղիներ, ևս մեկ անգամ հիշեցնում ենք, որ յուրաքանչյուր եռամսյակում կարևոր է այցելել ատամնաբույժի, անցնել համապատասխան զննում, խորհրդատվություն բարդացումներից խուսափելու համար: Հիշեք ավելի անվտանգ է ժամանակին խնդրի կանխումը:
Կարդալ ավելին»
39 տարեկան կինը, ով շուրջ 4 տարի տառապել է անպտղությամբ, դիմել է մեր կլինիկա։ Կատարվել են......
Կարդալ ավելին»
«ՄԱՐԳԱՐՅԱՆ ԾՆՆԴԱՏՈՒՆ» Մոր և մանկան առողջության պահպանման գիտահետազոտական կենտրոն
Հայաստանի Հանրապետություն
2018 Բոլոր իրավունքները պաշտպանված են
Հայերեն
English
Русский