2021 Սեպ 16, Հինգշաբթի
Կա՞ն, արդյոք, հղիության հետ անհամատեղելի և վտանգավոր վիճակներ:
Հղիությունը հրաշալի, բայց և պատասխանատու վիճակ է ցանկացած կնոջ համար: Ապագա մոր վիճակը գնահատելը կարևոր է հղիության պատրաստման գործընթացում: Ցավոք, չնայած գինեկոլոգիայի, մանկաբարձության և վերարտադրողականության ասպարեզներում մեծ նվաճումներին, ներկայում առկա են հիվանդություններ և վիճակներ, որոնց ժամանակ հղիությունը հակացուցված է: Այդ պատճառով, հղիություն պլանավորող ցանկացած կնոջ անհրաժեշտ է հղիության նախապատրաստում, որը կարելի է իրականացնել մասնագիտացված կլինիկաներում՝ անհրաժեշտ մասնագետների ներգրավմամբ:
Ինչպե՞ս է իրականացվում կնոջ վիճակի գնահատումը:
Բժիշկը սկզբում հավաքում է մանրամասն տեղեկատվություն տարած հիվանդությունների, վնասվածքների, վիրահատությունների, կյանքի և աշխատանքային պայմանների վերաբերյալ: Դա շատ կարևոր է հետագա քննությունների և անհրաժեշտ կլինիկա-լաբորատոր հետազոտությունների պլանավորման համար:
Այնուամենայնիվ, մինչև հետազոտությունների արդյունքները ստանալը՝ միայն հավաքած տեղեկատվության հիման վրա, հնարավոր է պատասխանել այնպիսի հարցերի, ինչպիսիք են. կարո՞ղ է կինը հղիանալ և կրել պտուղը, և` հնարավո՞ր է ծննդաբերությունն իրականացնել բնական ճանապարհով:
Ո՞ր հիվանդությունների և վիճակների դեպքում խորհուրդ չի տրվում հղիանալ:
Հղիությունը հակացուցված է մի շարք հիվանդությունների դեպքում.
1. վիճակներ, որոնք անհամատեղելի են հղիության կրելիության հետ (էպիլեպսիա),
2. հիվանդություններ, որոնց ժամանակ հղիությունը և ծննդաբերությունը վտանգ են կնոջ կյանքի համար․
Կա՞ն ոչ բացարձակ հակացուցումներ:
Բացարձակ հակացուցումներից զատ, գոյություն ունեն նաև ժամանակավոր հակացուցումներ, որոնք կապված են ապագա ծնողների օրգանիզմների այս կամ այն վիճակի հետ: Այսպես. հղիանալ խորհուրդ չի տրվում քրոնիկ հիվանդության սրացման կամ վարակիչ հիվանդությունների ժամանակ, որևէ վիրահատությունից հետո (խոռոչային)` մեկ տարվա ընթացքում, քաշի կտրուկ անկման դեպքում, տարբեր բուժման կուրսեր ստանալիս (քիմիաթերապիա, ճառագայթում), հղիության ժամանակ հակացուցված դեղերի ընդունման ժամանակ: Հղիությունը նմանատիպ վիճակներում կարող է վտանգավոր լինել մոր կամ պտղի առողջության համար (կամ երկուսի համար` միաժամանակ), սակայն որոշ ժամանակ անց, երբ կարգավորվում է առողջական վիճակը, դադարեցվում է հղիության հետ անհամատեղելի դեղորայքի ընդունումը, կինը կարող է հղիանալ, կրել և ծննդաբերել առողջ երեխայի:
Հղիության և ծննդաբերության հնարավորության մասին եզրակացությունը յուրաքանչյուր առանձին դեպքում իրականացվում է տարբեր մասնագետների կողմից՝ մանկաբարձ-գինեկոլոգների հետ համատեղ:
Հղիության բացարձակ հակացուցումների դեպքում ցուցված է արտամարմնային բեղմնավորում` փոխնակ մայրության ծրագրով:
Յուրաքանչյուր նման պատմության մեջ կա հավատ, համբերություն և մեծ ճանապարհ, իսկ ամենակարևորը՝ ճիշտ մասնագիտական ուղեկցություն...
Կարդալ ավելին»
1. Արդյո՞ք կարելի է հղիության ընթացքում այցելել ատամնաբույժի: Այո, իհարկե: Հղիության ընթացքում կարելի է և նույնիսկ ցուցված է այցելել ատամնաբույժի: Ատամների խնդիրը չլուծված թողնելը կարող է ավելի ռիսկային լինել, քան բուժումը: 2. Հղիության ո՞ր եռամսյակն է ամենահարմարը և անվտանգը ատամնաբույժի այցելելու համար: Ատամնաբույժի այցելելու ամենաապահով և հարմար ժամանակը 2-րդ եռամսյակն է, երբ արդեն պտղի օրգանները ձևավորված են: 1-ին եռամսյակ` միջամտություններ իրականացվում է միայն ծայրահեղ անհրաժեշտության դեպքում (ցավ, վարակ, թարախակալում ունեցող բորբոքում) : Առաջնահերթությունը տրվում է մորը: 3-րդ եռամսյակ` ավտանգ ժամանակաշրջանն է միաջամտություններ իրականացնելու համար : Կարևորագույն պայմանը, որին հատկապես պետք է ուշադրություն դարձնել հղիի դիրքն է միջամտությունների աթոռին : Ցանկալի է աշխատել նստած, երկար ժամանակով չպառկեցնել: 3. Կարելի՞ է բուժել կամ հեռացնել ատամ հղիության ընթացքում: Այո, հղիության ընթացքում կարելի է հեռացնել, բուժել ատամ, քանի որ երբեմն խնդիրը չլուծված թողնելը կարող է հանգեցնել շատ ավելի վտանգավոր ելքի: 4. Ի՞նչ անզգայացում է իրականացվում ատամնաբուժական միջամտություն կատարելու դեպքում: Օգտագործվում է հղիության ընթացքում անվտանգ համարվող տեղային անզգայացնող միջոցներ : Դեղամիջոցը արագ դուրս է գալիս օրգանիզմից, կարելի է ասել պլացենտայի բարիերը չանցնելով: Ավելի ապահով է ճիշտ ցավազրկումը, քան ցավին դիմանալը: Սթրեսը վտանգ է պտղի համար: 5. Արդյո՞ ք վնասակար է ատամների պլոմբավորման ընթացքում կիրառվող ուլտրամանուշակագույն լամպը: Ատամի պլոմբավորման ժամանակ կիրառվող ուլտրամանուշակագույն լամպի կիրառումն անվնաս է, գործում է տեղային, չի անցնում ամբողջ օրգանիզմով և չի հասնում պտղին: 6. Կարելի՞ է արդյոք հղիության ընթացքում կատարել ատամների ռենտգեն հետազոտություն: Հղիության ընթացքում հրատապ իրավիճակներում թույլատրվում է կատարել ռենտգեն հետազոտություն : Պետք է նշել , որ ժամանակակից սարքավորումները ունեն շատ ցածր ճառագայթում : Ռենտգեն հետազոտություն իրականացնելու ժամանակ հղին պարտադիր հագնում է պաշտպանիչ կապարե գոգնոց : 7. Ի՞նչ միջամտություններ չի կարելի իրականացնել հղիության ընթացքում: Հղիության ընթացքում ցանկալի է խուսափել վիրաբուժական ( իմպլանտացիա, լնդային, ծնոտային վիրահատություններ…), կոսմետիկ (ատամների ձևի, գույնի, դեֆեկտների շտկում, լնդերի էսթետիկ միջամտություններ, զարդերի տեղադրում…) միջամտություններից: 8. Կարելի՞ է արդյոք մաքրել ատամնաքարերը և ատամնափառը: Այո, հղիության ընթացքում կարելի է և պարտադիր է ատամնաքարերի, ատամնափառի մաքրումը, քանի որ դրանք հանդիսանում են վարակի առաջնային օջախ և կարող են հեշտությամբ տարածվել արյան միջոցով, վնասել ինչպես մորը այնպես էլ պտղին: Ատամնաքարերի և ատամնափառի հեռացումը կատարվում է հետևյալ տարբերակներով. ուլտրաձայնային մաքրում, հատուկ մածուկներով փայլեցում (փոլիշ), air-flow մաքրում (տեխնիկան կիրառվում է ատամների և միջատամնային անհասանելի հատվածների մաքրման համար) : Վերը նշված գործընթացները անվնաս են և նպաստում են բերանի խոռոչի հիգիենայի բարելավմանը: 9. Ատամի ցավի դեպքում կարելի՞ է օգտագործել ցավազրկող դեղեր: Այո, կան դեղահաբեր որոնք թուլատրելի են, սակայն ցավազրկողն ընդունելուց առաջ պարտադիր է խորհրդակցել մասնագետի հետ: 10. Ինչո՞ւ է հղիության ընթացքում հաճախ առաջանում լնդերի արյունահոսություն: Հորմոնալ փոփոխությունները որոնք տեղի են ունենում օրգանիզմում հղիության ընթացքում նպաստում են լնդերի արյունահոսության առաջացման: 11. Ինչպե՞ս խնամել ատամնաշարը և բերանի խոռոչը հղիության ընթացքում: Հղիության ընթացքում կնոջ օրգանիզմում տեղի ունեցող փոփոխությունները կարող են ազդել ինչպես ատամների, այնպես էլ լնդերի առողջության վրա, սակայն ճիշտ խնամքը մեզ թույլ կտա խուսափել արյունահոսություններից, տհաճ համի, հոտի զգացումից, հետագա բարդություններից: Ուստի խորհուրդ է տրվում ատամները լվանալ օրական առնվազն երկու անգամ, կատարել խոտաբույսերով պատրաստված թուրմով ողողումներ, սահմանափակել շաքարային սնունդը, նախապատվությունը տալ կալցիումով և վիտամին D-ով հարուստ մթերքներին: Սիրելի հղիներ, ևս մեկ անգամ հիշեցնում ենք, որ յուրաքանչյուր եռամսյակում կարևոր է այցելել ատամնաբույժի, անցնել համապատասխան զննում, խորհրդատվություն բարդացումներից խուսափելու համար: Հիշեք ավելի անվտանգ է ժամանակին խնդրի կանխումը:
Կարդալ ավելին»
39 տարեկան կինը, ով շուրջ 4 տարի տառապել է անպտղությամբ, դիմել է մեր կլինիկա։ Կատարվել են......
Կարդալ ավելին»
«ՄԱՐԳԱՐՅԱՆ ԾՆՆԴԱՏՈՒՆ» Մոր և մանկան առողջության պահպանման գիտահետազոտական կենտրոն
Հայաստանի Հանրապետություն
2018 Բոլոր իրավունքները պաշտպանված են
Հայերեն
English
Русский