2022 Հուլ 18, Երկուշաբթի
Ինչպե՞ս է արտահայտվում քնկոտությունը հղիության ընթացքում:
Քնկոտությունն ավելի հաճախ հանդիպում է հղիների մոտ` առաջին եռամսյակում, որը պայմանավորված է հղի կնոջ օրգանիզմում տեղի ունեցող հորմոնալ դիսբալանսով: Մեծ մասամբ հղիների մոտ լինում է ճնշման անկում, սրտխառնոց, փսխում, դրանց արդյունքում արտահայտվում են թուլություն և քնկոտություն:
Քնկոտությունը հաճախ հանդիպում է նաև երկրորդ եռամսյակում, երբ արդեն դրա պատճառ կարող է լինել երկաթի ցածր մակարդակն արյան մեջ: Դա ևս՝ հանգեցնելով ընդհանուր թուլության, առաջացնում է քնկոտություն:
Երրորդ եռամսյակում թուլության և քնկոտության պատճառ է խոշոր պտուղը, հղիությունը` զույգերի ժամանակ:
Հղիության ժամանակ ավելի շատ քնկոտությո՞ւն է դիտվում, թե՞ անքնություն:
Ե՛վ քնկոտությունը, և՛ անքնությունը հավասար չափով կարող են դիտվել: Առաջին եռամսյակում հղիների մոտ առավել արտահայտված է քնկոտությունը, իսկ երկրորդում, երբ գնալով պտղի չափերն ավելի են մեծանում՝ անքնությունը:
Կարող են նաև երկուսը միասին լինել. գիշերային անքնության պատճառով՝ ցերեկային քնկոտություն: Հարկ չկա հղիին ստիպել ցերեկն ակտիվ լինել և զսպել քնելու ցանկությունը, ամեն բան պետք է նրա ցանկությամբ լինի:
Կա՞ն քնկոտության այլ պատճառներ:
Հղիության տօքսիկոզները ևս կարող են ընդհանուր թուլության և քնկոտության պատճառ դառնալ: Հղի կինը փսխումների հետևանքով թուլանում է, դրան նպաստում է նաև օրգանիզմը ջրազրկումը:
Երկրորդ եռամսյակում հորմոնալ ֆոնը որոշ չափով կարգավորվում է, և արդեն այլ պատճառներ են քնկոտություն առաջացնում: Դրանցից է սակավարյունությունը, որը կարող է արյան զարկերակային ճնշման անկման պատճառ լինել, ուստի անհրաժեշտ է համապատասխան կլինիկա-լաբորատոր հետազոտություններ իրականացնել, համապատասխան բուժում նշանակել և վերահսկել հղիին:
Արգանդի մեծացող չափերն անքնության պատճառ են դառնում, բայց երբեմն կարող է և հակառակը լինել՝ քնկոտություն առաջանալ: Միշտ առկա է անհատականության գործոնը:
Հղի կնոջ մոտ առկա քրոնիկ հիվանդությունները կարո՞ղ են քնկոտություն առաջացնել:
Դա նույնպես անհատական է:
Ի՞նչ միջամտություններ, խորհուրդներ են օգնում քնկոտության ժամանակ:
Լիարժեք, ճիշտ սնունդը մեծ դեր ունի քնկոտության ժամանակ: Սննդի մեջ պետք է ներառել վիտամիններով հարուստ մթերք կամ ընդունել հանքանյութեր, վիտամիններ:
Երկաթ դեֆիցիտային սակավարյունության ժամանակ պետք է նշանակվեն երկաթի պատրաստուկներ, վիտամինային կոմպլեքսներ՝ հատկապես B խմբի և այլն: B խմբի վիտամինները դրական ազդեցություն ունեն ինչպես մոր օրգանիզմի, այնպես էլ պտղի ճիշտ զարգացման համար:
Եթե քնկոտության որևէ լուրջ պատճառ չկա՝ թուլություն, գլխացավ, գլխապտույտ, ապա հղին պետք է քնի որքան և երբ ցանկանում է:
Յուրաքանչյուր նման պատմության մեջ կա հավատ, համբերություն և մեծ ճանապարհ, իսկ ամենակարևորը՝ ճիշտ մասնագիտական ուղեկցություն...
Կարդալ ավելին»
1. Արդյո՞ք կարելի է հղիության ընթացքում այցելել ատամնաբույժի: Այո, իհարկե: Հղիության ընթացքում կարելի է և նույնիսկ ցուցված է այցելել ատամնաբույժի: Ատամների խնդիրը չլուծված թողնելը կարող է ավելի ռիսկային լինել, քան բուժումը: 2. Հղիության ո՞ր եռամսյակն է ամենահարմարը և անվտանգը ատամնաբույժի այցելելու համար: Ատամնաբույժի այցելելու ամենաապահով և հարմար ժամանակը 2-րդ եռամսյակն է, երբ արդեն պտղի օրգանները ձևավորված են: 1-ին եռամսյակ` միջամտություններ իրականացվում է միայն ծայրահեղ անհրաժեշտության դեպքում (ցավ, վարակ, թարախակալում ունեցող բորբոքում) : Առաջնահերթությունը տրվում է մորը: 3-րդ եռամսյակ` ավտանգ ժամանակաշրջանն է միաջամտություններ իրականացնելու համար : Կարևորագույն պայմանը, որին հատկապես պետք է ուշադրություն դարձնել հղիի դիրքն է միջամտությունների աթոռին : Ցանկալի է աշխատել նստած, երկար ժամանակով չպառկեցնել: 3. Կարելի՞ է բուժել կամ հեռացնել ատամ հղիության ընթացքում: Այո, հղիության ընթացքում կարելի է հեռացնել, բուժել ատամ, քանի որ երբեմն խնդիրը չլուծված թողնելը կարող է հանգեցնել շատ ավելի վտանգավոր ելքի: 4. Ի՞նչ անզգայացում է իրականացվում ատամնաբուժական միջամտություն կատարելու դեպքում: Օգտագործվում է հղիության ընթացքում անվտանգ համարվող տեղային անզգայացնող միջոցներ : Դեղամիջոցը արագ դուրս է գալիս օրգանիզմից, կարելի է ասել պլացենտայի բարիերը չանցնելով: Ավելի ապահով է ճիշտ ցավազրկումը, քան ցավին դիմանալը: Սթրեսը վտանգ է պտղի համար: 5. Արդյո՞ ք վնասակար է ատամների պլոմբավորման ընթացքում կիրառվող ուլտրամանուշակագույն լամպը: Ատամի պլոմբավորման ժամանակ կիրառվող ուլտրամանուշակագույն լամպի կիրառումն անվնաս է, գործում է տեղային, չի անցնում ամբողջ օրգանիզմով և չի հասնում պտղին: 6. Կարելի՞ է արդյոք հղիության ընթացքում կատարել ատամների ռենտգեն հետազոտություն: Հղիության ընթացքում հրատապ իրավիճակներում թույլատրվում է կատարել ռենտգեն հետազոտություն : Պետք է նշել , որ ժամանակակից սարքավորումները ունեն շատ ցածր ճառագայթում : Ռենտգեն հետազոտություն իրականացնելու ժամանակ հղին պարտադիր հագնում է պաշտպանիչ կապարե գոգնոց : 7. Ի՞նչ միջամտություններ չի կարելի իրականացնել հղիության ընթացքում: Հղիության ընթացքում ցանկալի է խուսափել վիրաբուժական ( իմպլանտացիա, լնդային, ծնոտային վիրահատություններ…), կոսմետիկ (ատամների ձևի, գույնի, դեֆեկտների շտկում, լնդերի էսթետիկ միջամտություններ, զարդերի տեղադրում…) միջամտություններից: 8. Կարելի՞ է արդյոք մաքրել ատամնաքարերը և ատամնափառը: Այո, հղիության ընթացքում կարելի է և պարտադիր է ատամնաքարերի, ատամնափառի մաքրումը, քանի որ դրանք հանդիսանում են վարակի առաջնային օջախ և կարող են հեշտությամբ տարածվել արյան միջոցով, վնասել ինչպես մորը այնպես էլ պտղին: Ատամնաքարերի և ատամնափառի հեռացումը կատարվում է հետևյալ տարբերակներով. ուլտրաձայնային մաքրում, հատուկ մածուկներով փայլեցում (փոլիշ), air-flow մաքրում (տեխնիկան կիրառվում է ատամների և միջատամնային անհասանելի հատվածների մաքրման համար) : Վերը նշված գործընթացները անվնաս են և նպաստում են բերանի խոռոչի հիգիենայի բարելավմանը: 9. Ատամի ցավի դեպքում կարելի՞ է օգտագործել ցավազրկող դեղեր: Այո, կան դեղահաբեր որոնք թուլատրելի են, սակայն ցավազրկողն ընդունելուց առաջ պարտադիր է խորհրդակցել մասնագետի հետ: 10. Ինչո՞ւ է հղիության ընթացքում հաճախ առաջանում լնդերի արյունահոսություն: Հորմոնալ փոփոխությունները որոնք տեղի են ունենում օրգանիզմում հղիության ընթացքում նպաստում են լնդերի արյունահոսության առաջացման: 11. Ինչպե՞ս խնամել ատամնաշարը և բերանի խոռոչը հղիության ընթացքում: Հղիության ընթացքում կնոջ օրգանիզմում տեղի ունեցող փոփոխությունները կարող են ազդել ինչպես ատամների, այնպես էլ լնդերի առողջության վրա, սակայն ճիշտ խնամքը մեզ թույլ կտա խուսափել արյունահոսություններից, տհաճ համի, հոտի զգացումից, հետագա բարդություններից: Ուստի խորհուրդ է տրվում ատամները լվանալ օրական առնվազն երկու անգամ, կատարել խոտաբույսերով պատրաստված թուրմով ողողումներ, սահմանափակել շաքարային սնունդը, նախապատվությունը տալ կալցիումով և վիտամին D-ով հարուստ մթերքներին: Սիրելի հղիներ, ևս մեկ անգամ հիշեցնում ենք, որ յուրաքանչյուր եռամսյակում կարևոր է այցելել ատամնաբույժի, անցնել համապատասխան զննում, խորհրդատվություն բարդացումներից խուսափելու համար: Հիշեք ավելի անվտանգ է ժամանակին խնդրի կանխումը:
Կարդալ ավելին»
39 տարեկան կինը, ով շուրջ 4 տարի տառապել է անպտղությամբ, դիմել է մեր կլինիկա։ Կատարվել են......
Կարդալ ավելին»
«ՄԱՐԳԱՐՅԱՆ ԾՆՆԴԱՏՈՒՆ» Մոր և մանկան առողջության պահպանման գիտահետազոտական կենտրոն
Հայաստանի Հանրապետություն
2018 Բոլոր իրավունքները պաշտպանված են
Հայերեն
English
Русский