Գիտական հետազոտությունները վկայում են, որ հեռաբժշկության կիրառումը մանկաբարձական և գինեկոլոգիական պրակտիկայում նպաստում է մանկաբարձական բարդությունների նվազմանը, կրծքով կերակրման խթանմանը և բարձր ռիսկի հղիների վարման որակի բարելավմանը։

Հեռաբժշկության կիրառման խթանումը և զարգացումը հանդիսանում է նաև ծննդօգնության ոլորտի առաջնահերթություններից։

Այդ նպատակով Մարգարյան ծննդատունը և Էջմիածնի բժշկական կենտրոնը` համատեղ հրամանով, հաստատել են բուժհաստատությունների միջև հեռաբժշկության կազմակերպման կարգը, որի համար հիմք է հանդիսացել առողջապահության նախարարի համապատասխան հրամանը։

Այն հնարավորություն է տալիս ստեղծել կայուն կապ կենտրոնների մանկաբարձա-գինեկոլոգիական և նեոնատալ (նորածնային) ծառայությունների միջև, արագ արձագանքել բարդ դեպքերին՝ նպաստելով հղիներին և ծննդկաններին մատուցվող բժշկական օգնության և սպասարկման որակի ու անվտանգության բարձրացմանը։