Մարգարյան ծննդատանը շարունակվում է կրծքով կերակրման վերաբերյալ սեմինարների շարքը, որտեղ քննարկվում են այս գործընթացի կարևոր կողմերը։

Նեոնատոլոգ, կրծքով կերակրման խորհրդատու Աննա Տոնիկյանը կարևորում է կրծքի կաթը նորածինների համար՝ նշելով դրա առանցքային դերը սնուցման և պաշտպանության գործում:

-Ճիշտ կերակրումը չափազանց կարևոր է ինչպես մայրերի, այնպես էլ նրանց երեխաների առողջության համար:
Այս դասախոսությունների հիմնական նպատակն է՝ ինչպես պատրաստել կանանց կրծքով կերակրման գործընթացին. մենք ցույց ենք տալիս ճիշտ տեխնիկան և գործընկերների հետ քննարկում հնարավոր դժվարությունները:

Կարևոր է, որ յուրաքանչյուր կին իրեն անտեսված չզգա և ստանա իր բոլոր հարցերի պատասխանները։

Մեր նպատակն է ոչ թե ստիպել կանանց կրծքով կերակրել, այլ նրանց լիարժեք և օբյեկտիվ գիտելիքներ տալ, որպեսզի նրանք կարողանան տեղեկացված ընտրություն կատարել:

Մենք նաև բացատրում ենք կրծքի կաթի առավելությունները կաթնախառնուրդների նկատմամբ, որպեսզի կանայք հասկանան, որ իրենց որոշումը էական նշանակություն ունի իրենց երեխայի առողջության համար:

Մեր մոտեցումը հիմնված է փոխադարձ հարգանքի և աջակցության վրա, այլ ոչ թե ճնշման, և մենք անում ենք ամեն ինչ, որպեսզի յուրաքանչյուր կին վստահ զգա իր որոշման և կրծքով կերակրման գործընթացում:

Համոզված եմ, որ դասախոսությունները օգտակար կլինեն բուժանձնակազմի համար և կօգնեն ընդլայնել կրծքի կաթի մասին գիտելիքները։