2025 Ապր 30, Չորեքշաբթի
Ապրիլի 29-ին կայացավ բուժքույրերի և մանկաբարձուհիների համար նախատեսված վերապատրաստման սեմինարի չորրորդ՝ եզրափակիչ հանդիպումը։ Միջոցառման ընթացքում զեկույցով հանդես եկավ «Մարգարյան ծննդատուն» ՄՄԱՊԳՀԿ գլխավոր տնօրեն Դավիթ Մելիք-Նուբարյանը։
Իր խոսքում նա ներկայացրեց բժշկական գաղտնիքի պահպանման կարևորությունը՝ որպես առողջապահության համակարգի առանցքային բաղադրիչ։
«Այո, սա շատ կարևոր ոլորտ է՝ անձնական տվյալների պաշտպանությունը, հատկապես` առողջապահությունում, որովհետև մենք գործ ունենք շատ զգայուն տեղեկատվության հետ, և, որպես կանոն, մարդկանց մեծամասնությունը չի ցանկանում, որ այդ տեղեկատվությունը տարածվի բուժաշխատող-պացիենտ հարաբերություններից դուրս։ Այդ ամենը Հայաստանի Հանրապետությունում կարգավորվում և պաշտպանվում է օրենքով։
Առողջապահության բնագավառում տարիների մեր աշխատանքային փորձն ցույց է տալիս, որ ամեն ինչ այդքան էլ հարթ չէ։ Բուժաշխատողները շատ հաճախ իրենց առօրյա գործունեության մեջ, առանց որևէ կանխամտածվածության, ուղղակի ելնելով տասնամյակների ընթացքում ձևավորված պրակտիկայից, կարող է և չհետևեն օրենսդրական կարգավորումներին»։
Նրա խոսքով՝ կրեդիտավորված դասընթացների նպատակն է փորձել ևս մեկ անգամ բարձրաձայնել այս հարցը և մանրամասն ներկայացնել, թե ինչպե՞ս և ի՞նչ հիմունքներով է կարգավորվում Հայաստանում անձնական տվյալների պաշտպանությունը, ու ի՞նչ հետևանքներ դա կարող է ունենալ՝ ինչպես քաղաքացիական, այնպես էլ` իրավական դաշտում։
«Հատկապես շեշտադրումը դրվելու է առօրյա գործունեության ընթացքում թվացյալ, սովորական դարձած իրավիճակներին, որոնք իրականում պետք է տեղի չունենան։ Ես ձեզ մի օրինակ բերեմ, որը, կարծում եմ, Հայաստանի բոլոր բուժաշխատողներին է ծանոթ։ Հարց դնեմ, արդեն մեզ ընթերցող մարդիկ թող դա պատասխանեն։ Օրինակ՝ երբ որ զանգում է ձեզ մի բուժաշխատող՝ կապ չունի՝ պրոֆեսոր, դոցենտ, բժիշկ, բուժքույր, մայրապետ՝ բացարձակապես, ասում է՝ «Այ ընկերուհիս ձեր մոտ պառկած է, մի հատ կասե՞ս՝ ոնց է»։ Հիմա ես հարց եմ տալիս՝ արդյո՞ք մենք պետք է պատասխանենք այդ հարցին, թե չպե՞տք է պատասխանենք»։
Նրա խոսքով՝ նման սովորական թվացող հարցերի հետևում կանգնած է լուրջ պատասխանատվություն, և առողջապահական համակարգում յուրաքանչյուր աշխատող պարտավոր է ըմբռնել իր դերը բժշկական գաղտնիքի պահպանման գործում։
Յուրաքանչյուր նման պատմության մեջ կա հավատ, համբերություն և մեծ ճանապարհ, իսկ ամենակարևորը՝ ճիշտ մասնագիտական ուղեկցություն...
Կարդալ ավելին»
1. Արդյո՞ք կարելի է հղիության ընթացքում այցելել ատամնաբույժի: Այո, իհարկե: Հղիության ընթացքում կարելի է և նույնիսկ ցուցված է այցելել ատամնաբույժի: Ատամների խնդիրը չլուծված թողնելը կարող է ավելի ռիսկային լինել, քան բուժումը: 2. Հղիության ո՞ր եռամսյակն է ամենահարմարը և անվտանգը ատամնաբույժի այցելելու համար: Ատամնաբույժի այցելելու ամենաապահով և հարմար ժամանակը 2-րդ եռամսյակն է, երբ արդեն պտղի օրգանները ձևավորված են: 1-ին եռամսյակ` միջամտություններ իրականացվում է միայն ծայրահեղ անհրաժեշտության դեպքում (ցավ, վարակ, թարախակալում ունեցող բորբոքում) : Առաջնահերթությունը տրվում է մորը: 3-րդ եռամսյակ` ավտանգ ժամանակաշրջանն է միաջամտություններ իրականացնելու համար : Կարևորագույն պայմանը, որին հատկապես պետք է ուշադրություն դարձնել հղիի դիրքն է միջամտությունների աթոռին : Ցանկալի է աշխատել նստած, երկար ժամանակով չպառկեցնել: 3. Կարելի՞ է բուժել կամ հեռացնել ատամ հղիության ընթացքում: Այո, հղիության ընթացքում կարելի է հեռացնել, բուժել ատամ, քանի որ երբեմն խնդիրը չլուծված թողնելը կարող է հանգեցնել շատ ավելի վտանգավոր ելքի: 4. Ի՞նչ անզգայացում է իրականացվում ատամնաբուժական միջամտություն կատարելու դեպքում: Օգտագործվում է հղիության ընթացքում անվտանգ համարվող տեղային անզգայացնող միջոցներ : Դեղամիջոցը արագ դուրս է գալիս օրգանիզմից, կարելի է ասել պլացենտայի բարիերը չանցնելով: Ավելի ապահով է ճիշտ ցավազրկումը, քան ցավին դիմանալը: Սթրեսը վտանգ է պտղի համար: 5. Արդյո՞ ք վնասակար է ատամների պլոմբավորման ընթացքում կիրառվող ուլտրամանուշակագույն լամպը: Ատամի պլոմբավորման ժամանակ կիրառվող ուլտրամանուշակագույն լամպի կիրառումն անվնաս է, գործում է տեղային, չի անցնում ամբողջ օրգանիզմով և չի հասնում պտղին: 6. Կարելի՞ է արդյոք հղիության ընթացքում կատարել ատամների ռենտգեն հետազոտություն: Հղիության ընթացքում հրատապ իրավիճակներում թույլատրվում է կատարել ռենտգեն հետազոտություն : Պետք է նշել , որ ժամանակակից սարքավորումները ունեն շատ ցածր ճառագայթում : Ռենտգեն հետազոտություն իրականացնելու ժամանակ հղին պարտադիր հագնում է պաշտպանիչ կապարե գոգնոց : 7. Ի՞նչ միջամտություններ չի կարելի իրականացնել հղիության ընթացքում: Հղիության ընթացքում ցանկալի է խուսափել վիրաբուժական ( իմպլանտացիա, լնդային, ծնոտային վիրահատություններ…), կոսմետիկ (ատամների ձևի, գույնի, դեֆեկտների շտկում, լնդերի էսթետիկ միջամտություններ, զարդերի տեղադրում…) միջամտություններից: 8. Կարելի՞ է արդյոք մաքրել ատամնաքարերը և ատամնափառը: Այո, հղիության ընթացքում կարելի է և պարտադիր է ատամնաքարերի, ատամնափառի մաքրումը, քանի որ դրանք հանդիսանում են վարակի առաջնային օջախ և կարող են հեշտությամբ տարածվել արյան միջոցով, վնասել ինչպես մորը այնպես էլ պտղին: Ատամնաքարերի և ատամնափառի հեռացումը կատարվում է հետևյալ տարբերակներով. ուլտրաձայնային մաքրում, հատուկ մածուկներով փայլեցում (փոլիշ), air-flow մաքրում (տեխնիկան կիրառվում է ատամների և միջատամնային անհասանելի հատվածների մաքրման համար) : Վերը նշված գործընթացները անվնաս են և նպաստում են բերանի խոռոչի հիգիենայի բարելավմանը: 9. Ատամի ցավի դեպքում կարելի՞ է օգտագործել ցավազրկող դեղեր: Այո, կան դեղահաբեր որոնք թուլատրելի են, սակայն ցավազրկողն ընդունելուց առաջ պարտադիր է խորհրդակցել մասնագետի հետ: 10. Ինչո՞ւ է հղիության ընթացքում հաճախ առաջանում լնդերի արյունահոսություն: Հորմոնալ փոփոխությունները որոնք տեղի են ունենում օրգանիզմում հղիության ընթացքում նպաստում են լնդերի արյունահոսության առաջացման: 11. Ինչպե՞ս խնամել ատամնաշարը և բերանի խոռոչը հղիության ընթացքում: Հղիության ընթացքում կնոջ օրգանիզմում տեղի ունեցող փոփոխությունները կարող են ազդել ինչպես ատամների, այնպես էլ լնդերի առողջության վրա, սակայն ճիշտ խնամքը մեզ թույլ կտա խուսափել արյունահոսություններից, տհաճ համի, հոտի զգացումից, հետագա բարդություններից: Ուստի խորհուրդ է տրվում ատամները լվանալ օրական առնվազն երկու անգամ, կատարել խոտաբույսերով պատրաստված թուրմով ողողումներ, սահմանափակել շաքարային սնունդը, նախապատվությունը տալ կալցիումով և վիտամին D-ով հարուստ մթերքներին: Սիրելի հղիներ, ևս մեկ անգամ հիշեցնում ենք, որ յուրաքանչյուր եռամսյակում կարևոր է այցելել ատամնաբույժի, անցնել համապատասխան զննում, խորհրդատվություն բարդացումներից խուսափելու համար: Հիշեք ավելի անվտանգ է ժամանակին խնդրի կանխումը:
Կարդալ ավելին»
39 տարեկան կինը, ով շուրջ 4 տարի տառապել է անպտղությամբ, դիմել է մեր կլինիկա։ Կատարվել են......
Կարդալ ավելին»
«ՄԱՐԳԱՐՅԱՆ ԾՆՆԴԱՏՈՒՆ» Մոր և մանկան առողջության պահպանման գիտահետազոտական կենտրոն
Հայաստանի Հանրապետություն
2018 Բոլոր իրավունքները պաշտպանված են
Հայերեն
English
Русский