«Հիստերոսկոպիա բոլոր գինեկոլոգների համար» միջազգային գիտաժողովը հագեցած օրակարգով էր ընթանում՝ հնարավորություն ընձեռելով մանկաբարձ-գինեկոլոգներին և վիրաբույժներին կիսել իրենց փորձառությունը գործընկերների հետ..., բարձրաձայնել հետաքրքիր դեպքերի և մոտեցումների մասին։

Մեկ ամբողջ օր՝ վաղ առավոտից մինչև երեկո Հայաստանի՝ մայրաքաղաք Երևանի և մարզերի բժշկական հաստատությունների գինեկոլոգները հնարավորություն ունեցան լսել համաշխարհային էքսպերտ, պրոֆեսոր Օսամա Շաուքիի դասախոսությունները։ Ինչպես նաև հաղորդակից եղան հայաստանյան առաջադեմ գինեկոլոգ-վիրաբույժների փորձառությանը։

«Հիստերոսկոպիա բոլոր գինեկոլոգների համար» գիտաժողովի օրակարգը հագեցած էր,համալրված տեսական և գործնական հատվածներով, բովանդակությունը՝ միջազգային բժշկագիտական ստանդարտներին համապատասխան։

Կնոջ առողջությանը, կյանքի որակին և վերարտադրողականությանը սպառնացող մարտահրավերներն ու խնդիրները, ինչպես նաև դրանց լուծումները բարձրաձայնվեցին և քննարկվեցին «Հիստերոսկոպիա բոլոր գինեկոլոգների համար» միջազգային գիտաժողովի ընթացքում:

Պրոֆեսոր Օսամա Շաուքին համաշխարհային մակարդակի էքսպերտ է, հիստերոսկոպիայի  «գուրու», որից սովորում են աշխարհի լավագույն կլինիկաներում։
Գտնվելով Հայաստանում պրոֆեսորը վարպետաց դաս-վիրահատություններ իրականացրեց «Մարգարյան ծննդատանը»՝ իր փորձով և հիստերոսկոպիայի բացառիկ նրբություններով կիսվելով հայ բժիշկների հետ։ Ի դեպ, միջամտություններին (անվճար) հետևելու հնարավորություն ուներ յուրաքանչյուր գինեկոլոգ։

Անգնահատելի էր պրոֆեսորի գիտական տեսական և գործնական դասախոսությունների շարքը «Հիստերոսկոպիա բոլոր գինեկոլոգների համար» միջազգային գիտաժողովին։ Հիստերոսկոպի կիրառության տեխնիկայից և մեթոդներից մինչև առանձին ախտաբանությունների բուժման արդյունավետ միջամտությունների եղանակներ՝ գիտաժողովի ամբողջ ընթացքում։

Եվ իհարկե, ջերմ զրույցներ, ծանոթություններ, որոնք անհրաժեշտ են յուրաքանչյուր մասնագետի անձնային և մասնագիտական աճի համար, փորձի փոխանակում՝ հիմնված իրական խնդիրների և դեպքերի վրա։

Հրավիրյալ բանախոս պրոֆեսոր Օսամա Շաուքիի ելույթներից բացի գիտաժողովի ընթացքում հնչեց նաև հայկական բժշկագիտության պրակտիկ փորձն ու վերլուծությունները։

Գիտաժողովին ելույթ ունեցավ «Մարգարյան ծննդատուն» Մոր և մանկան առողջության պահպանման գիտահետազոտական կենտրոնի կլինիկայի ղեկավար, բ.գ.դ. Արմեն Բլբուլյանը։

Այս գիտաժողովը յուրօրինակ հարթակ էր՝ մասնագիտական նեթվորքինգի, փորձի փոխանակման և ծանոթությունների համար։

Ստորև ներկայացնում ենք օրակարգի հայկական բովանդակությունը՝ բնականաբար՝ հիմնված նաև միջազգային չափորոշիչների, մոտեցումների և մեթոդաբանության վրա։

«Արգանդի զարգացման արատների հիստերոսկոպիկ շտկում: Դեպքերի վերլուծություն»: 
Բ.գ.թ․ Վրույր Գրիգորյան, 
ՀՀ ԱՆ գլխավոր մանկաբարձ-գինեկոլոգ, ՎԱՊՄԳՀԻ

«Էնդոմետրիումի քաղցկեղի օրգանապահպան բուժում»
Բ.գ.թ. Արտեմ Ստեփանյան, Նաիրի ԲԿ, ՀՀ ԱՆ ԱԱԻ

«Հիստերոսկոպիան որպես բնածին արատների և անպտղության շտկման լավագույն լուծում»:  
Արման Կարապետյան,  Աստղիկ ԲԿ

«Արգանդի միոմաների բուժման ժամանակակից մեթոդները» 
Բ.գ.թ. Վահե Տեր-Մինասյան, 
Առողջապահության ազգային ինստիտուտի մանկաբարձության և գինեկոլոգիայի ամբիոնի վարիչ, Հայ-ամերիկյան կանանց կենտրոն

«Ներարգանդային կպումներ: Վարման առանձնահատկությունները»
Բ.գ.թ. Վահան Մանվելյան, 
«Ավագ» բժշկական կենտրոն

Գիտաժողովի հագեցած և փոխլրացնող օրակարգը հայ բժիշկների համար խիստ արդիական էր՝ հիմնված հետաքրքիր վիճակագրության, ուշագրավ կլինիկական դեպքերի և դրանց  քննարկման վրա։