Դենսիտոմետրիան ռենտգենյան հետազոտության տարատեսակ է, որը թույլ է տալիս գրեթե 99% ճշգրտությամբ որոշել ոսկրերի հանքային խտությունը` քանակապես, և ախտորոշել օստեոպերեզը...:

Ու՞մ է ցուցված դենսիտոմետրիան:

• 60 անց կանանց և 70 անց տղամարդկանց,
• վաղ (այդ թվում` վիրահատական) դաշտանադադարը,
• ժառանգական գործոնը (եթե ծնողներն ունեցել են կոտրվածքներ),
• մարմնի ցածր զանգվածը (մինչև 57 կգ կամ մարմնի զանգվածի ցածր ինդեքս՝ մինչև 20կգ/մ²),
• 1-ին և 2-րդ տպի շաքարային դիաբետը,
• վահանաձև գեղձի հիվանդությունները,
• սեռական հորմոնների անբավարարությունը,
• երեք ամիս շարունակ գլյուկոկորտիկոիդներով բուժումը,
• ստամոսք-աղիքային համակարգի քրոնիկ հիվանդությունները,
• քիմիաթերապիան և ճառագայթային բուժումը
• երիկամների և լյարդի քրոնիկ հիվանդությունները:

Ի՞նչպես նախապատրաստվել հետազոտությանը:

Դենսիտոմետրիային հատուկ նախապատրաստվելու կարիք չկա:

Ի՞նչ հաճախականությամբ է անհրաժեշտ անցնել հետազոտությունը:

Նորմայի դեպքում` երկու տարի անց, իսկ օստեոպենիայի և օստեոպորոզի դեպքում` 1 տարի անց, իսկ գլյուկոկորտրկոիդներով բուժման դեպքում կարելի է կատարել 6 ամիս անց:

Ու՞մ չի կարելի կատարել դենիստոմետրիա:

Հղիներին և կերակրող մայրերին:

Ո՞ր ոսկրերի հետազոտությունն է կատարվում դենսիտոմետրիայով:

Ողնաշարի գոտկային հատված, ազդոսկրի վզիկի շրջան և նախաբազկի ստորին երրորդական:

Ո՞ր մասնագետն է ուղեգրում դենսիտոմետիայի:

Գրեթե բոլոր մասնագետները (ընտանեկան բժիշկ, օրթոպետ-վնասվածքաբան, ողնաշարաբան, նյարդաբան, ներզատաբան, ուռուցքաբան, մանկաբույժ) :

Որքանո՞վ է ճշգրիտ հետազոտությունը և հնարավո՞ր է անճշտություններ արդյունքներում:

Արյունքներն 95-99% ճշգրտությամբ են, կախված մասնագետից՝ ոչ ճիշտ մշակման դեպքում կարող են լինել անճշտություններ:

Հնարավո՞ր է չանցնել դենսիտոմետրիա և որոշել ոսկրերի վիճակը այլ հետազոտություններով (մեթոդներով):

Ռենտգենյան դենսիտոմետրիան համարվում է «ոսկե ստանդարտ» ոսկրերի հանքային խտությունը գնահատելու համար:

Արդյո՞ք ազդում է ապրելակերպը (ծխելը, ալկոհոլի չարաշահումը, սննդակարգը) հետազոտության արդյունքների վրա:

Ծխելը, ալկոհոլի չարաշահումը, ոչ բավարար ֆիզիկական ակտիվությունը, անշարժությունը, աղքատ, չբալանսավորված՝ Ca-ով և վիտամին D-ով սննդակարգը կարող է բերել ոսկրերի հանքային խտության նվազմանը՝ օստեոպորոզի առաջացմանը և ոսկրերի կոտրվածքի ռիսկի բարձրացմանը: