Կնոջ վերարտադրողական համակարգի առողջությունը հաճախ կարող է խաթարվել տարբեր բորբոքային կամ տարած վիրահատական հետևանքների արդյունքում։ Դրանցից մեկն է արգանդափողերի կպումը, որը շատ դեպքերում... հանդիսանում է անպտղության հիմնական պատճառներից մեկը։

Ի՞նչ է արգանդափողերի կպումը

Արգանդափողերի կպումները ձևավորվում են այն ժամանակ, երբ փողերը կորցնում են իրենց շարժունակությունը՝ փոքր կոնքի բորբոքային հիվանդություններից, փոքր կոնքում վիրահատություններից հետո առաջացած բարդությունների կամ էնդոմետրիոզի դեպքում:

Այս փոփոխությունների հետևանքով բեղմնավորված ձվաբջիջը չի կարողանում հասնել արգանդ, ինչն էլ հանգեցնում է հղիության դժվարացման կամ անպտղության։

Լապարոսկոպիայի դերը ախտորոշման և բուժման մեջ համարվում է ոսկե ստանդարտ՝ արգանդափողերի կպումների հայտնաբերման և բուժման համար։ Այն ապահովում է տեսողական ամբողջական գնահատում և թույլ է տալիս՝

• տեսնել բորբոքային փոփոխությունները և կպումները,
• վերականգնել փողերի անցանելիությունը,
• հեռացնել կպումները նվազագույն ինվազիվ եղանակով:

Այս մեթոդը իրականացվում է մի քանի փոքր կտրվածքների միջոցով՝ ապահովելով արագ վերականգնում, նվազագույն ցավ և կարճ հոսպիտալացման ժամկետ։