Անպտղությունը տարածված և բազմագործոն երևույթ է, որը կարող է պայմանավորված լինել ինչպես կնոջ, այնպես էլ տղամարդու առողջական առանձնահատկություններով..., կամ երբեմն՝ երկուսի միաժամանակյա գործոններով։
Չնայած թեմայի զգայունությանը, ժամանակակից բժշկությունն այսօր առաջարկում է բազմաֆունկցիոնալ և արդյունավետ լուծումներ։

Ե՞րբ դիմել մասնագետի

Խորհուրդ է տրվում խորհրդատվություն ստանալ, եթե․

• մեկ տարվա ընթացքում հղիություն չի գրանցվում
• հղիությունը պարբերաբար ավարտվում է վիժումով
• կան հորմոնալ խանգարումներ, անկանոն դաշտանային ցիկլ
• առկա են փոքր կոնքի բորբոքային հիվանդություններ կամ սեռավարակներ
• տղամարդու մոտ առկա են սերմնարտադրության խանգարումներ
• նախկինում իրականացվել են վիրահատություններ, որոնք կարող են ազդել վերարտադրողական ֆունկցիայի վրա

Ի՞նչ հետազոտություններ են անհրաժեշտ

• Անպտղության ախտորոշումը պահանջում է համալիր մոտեցում։ Սովորաբար իրականացվում են՝
• գինեկոլոգիական և ուրոլոգիական խորհրդատվություն
• հորմոնային հետազոտություններ
• մանրէաբանական և վարակաբանական քննություն
• փոքր կոնքի օրգանների ուլտրաձայնային հետազոտություն
• անհրաժեշտության դեպքում՝ լրացուցիչ հետազոտություններ

Մասնագետների գնահատումից հետո ընտրվում է համապատասխան բուժում, որը կարող է ներառել․

• հորմոնալ դեղորայքային բուժում
• վարակների և բորբոքային պրոցեսների բուժում
• վիրաբուժական միջամտություններ՝ ըստ ցուցումի
• վերարտադրողական օժանդակ տեխնոլոգիաներ՝ ներարգանդային սերմնավորում (IUI), արտամարմնային բեղմնավորում (IVF) և այլ մեթոդներ։

Սիրելի կանայք, հիշե՛ք, որ անպտղությունը դատավճիռ չէ:

Ժամանակակից բժշկությունը ունի լայն հնարավորություններ՝ զույգերին օգնելու ծնող դառնալու ճանապարհին։ Խնդրի վաղ բացահայտումն ու ճիշտ ընտրված բուժումը առավել բարձրացնում են հաջող արդյունքի հավանականությունը։