Փափուկ ծննդաբերությունը՝ ծննդաբերության վարման մարտավարական գիտահեն մոտեցում է, որը կենտրոնացված է ծննդաբերող կնոջ համար հարգալից, ապահով  ու աջակցող միջավայր ստեղծելու վրա։ Այսպիսի  մոտեցման ժամանակ  կտրուկ նվազում են ծննդկանի վախը, սթրեսը  և նույնիսկ ցավի ընկալումը։

Փափուկ ծննդաբերություն վարելիս առաջնահերթություն է տրվում ծննդաբերող կնոջ բարեկեցությանը և հարմարավետությանը ՝ հաշվի առնելով նրա անհատական կարիքներն ու նախասիրությունները։

Փափուկ ծննդաբերության հիմնական սկզբունքներն են՝

• Ծննդաբերական գործընթացի բնական ընթացքը (բնականամետ, սպասողական վարում)
• Անհատականացված ու պացիենտակենտրոն մոտեցումը
• Հարմարավետ ծննդասենյակը
• Ջրային ցավազրկման հնարավորությունը
• Աջակցի ու հարազատի ներկայությունը
• Լուռ կամ, ըստ ցանկության,  մեղմ երաժշտությամբ  կիսամութ և ապահով մթնոլորտը

Փափուկ ծննդաբերության առավելություններն են՝

• Նվազում է սթրեսն ու անհանգստությունը
• Նվազում է միջամտությունների և  դեղորայքների օգտագործման անհրաժեշտությունը
• Ավելանում է ծննդաբերության դրական փորձի հավանականությունը
• Նպաստում է մոր և մանկան կապի ամրապնդմանը
• Նպաստում է արագ վերականգնմանը ծննդաբերությունից հետո: