ՆԱՊ-ը արգանդի մեջ տեղադրվող փոքրիկ պլաստիկ հարմարանք է, որի ամենատարածված տեսակները պարունակում են պղինձ, արծաթ կամ պրոգեստին (սինթետիկ հորմոն)։ ՆԱՊ-Ը դժվարեցնում է սերմնաբջիջների տեղաշարժը, նվազեցնում է ձվաբջջի բեղմնավորման ունակությունը և կանխում բեղմնավորված ձվաբջջի ներդրումն ու սերտաճը արգանդի լորձաթաղանթում։

Առավելություներ

• Արդյունավետությունը 99,4-99,8% է։
• Կանխում են հղիությունը 5-12 տարով։
• Չեն ազդում սեռական հարաբերության ընթացքի վրա։
• Կարող է տեղադրվել ծննդաբերությունից, հղիության արհեստական ընդհատումից անմիջապես հետո, եթե չկան հակացուցումներ։
• Հարմար մեթոդ է կրծքով կերակրող կանանց համար։
• ՆԱՊ-ը հեռացնելուց հետո պտղաբերությունը անմիջապես է վերականգնվում։

Թերություններ և կողմնակի ազդեցություններ

• Դաշտանային արյունահոսությունը կարող է լինել առատ և ցավոտ։
• Տեղադրումը և հեռացումը հնարավոր է լինի ցավոտ։
• Կարող է դուրս մղվել արգանդից։
• Հնարավոր է արտարգանդային հղիության վտանգ։
• Չի պաշտպանում սեռավարակներից` ներառյալ ՄԻԱՎ-ը։
• Խորհուրդ չի տրվում բազմաթիվ սեռական զուգընկերներ ունեցող կանանց։
• Տեղադրվում է միայն մանկաբարձ-գինեկոլոգի կողմից։