Փոքրիկի հետ հանդիպմանը շատ քիչ ժամանակ է մնացել: Եթե Ձեզ մոտ ամեն բան պատրաստ է, պարզապես հանգստացեք: Իհարկե, այս ժամկետում արդեն դժվար է հանգիստ պատասխանել ընկերների և ծանոթների հարցերին, ովքեր  անընդհատ հետաքրքրվում են, թե ե՞րբ է ծնվելու երեխան:  Բայց աշխատեք չնյարդայնանալ: Թող հղիության  վերջին մի քանի օրը Ձեզ համար անցնեն թեթև և անհոգ:

ՊՏՂԻ ԶԱՐԳԱՑՈՒՄԸ

Այս ժամկետում երեխան կշռում է 3,2 կգ-ից ավելի, նրա հասակը մոտավորապես 48 սմ է: Երեխայի օրգանիզմի բոլոր համակարգերը պատրաստ են մոր մարմնից դուրս գործունեությանը: Արդեն ձևավորված են աղիների լորձաթաղանթի թարթիչները, որոնք օգնում են սննդին տեղաշարժվել մարսողական համակարգով: Կարգավորվում է կծկողականությունը՝ աղիներով տեղաշարժվում է առաջնային կղանքը՝ մեկոնիումը: Ստամքոսի գեղձերն արտադրում են ֆերմենտներ, որոնք անհրաժեշտ են սննդի մարսողության համար: Փոքրիկի ստամոքս-աղիքային համակարգում բացակայում են միայն մանրէները, որոնք պետք է նպաստեն սննդի յուրացմանը. նրանք մարսողական համակարգ կանցնեն մոր կաթի հետ:

ՄՈՐ ՎԻՃԱԿԸ

Նորմայում քաշի ավելացումը կազմում է 11,5-15 կգ: Այնուամենայնիվ, եթե սկզբնապես կինը հակվածություն է ունեցել գիրանալու, քաշի ավելացումը քիչ է լինում, իսկ եթե մինչև հղիությունը նիհար է եղել, ապա կարող է նորմայից ավելի քաշ ավելացնել: 39 շաբաթից հետո հղիների քաշը, սովորաբար, չի փոխվում մինչև ծննդաբերությունը: Պտուկներից կարող է խեժ արտադրվել:

Ի՞ՆՉ ԱՆԵԼ

• Հրաժարվել ակտիվությունից

Քայլքը մաքուր օդում փոքրիկին կապահովի թթվածնով, ինչպես նաև նրան կօգնի տեղակայվել կոնքում:

• Ձեռք բերել կերակրման համար հարմար կրծկալ, որը կպահպանի կրծքագեղձերի ձևը: Պետք են նաև հատուկ ներդիրներ կաթի հոսքի դեպքում:

Եթե դա դեռ չեք արել, այժմ հարմար ժամանակ է գնել կերակրման համար անհրաժեշտ սպիտակեղեն: Միայն հաշվի առեք, որ կաթը կուտակվելուց հետո կրծքագեղձերը կարող են մեծանալ չափերով, այդ պատճառով, համենայն դեպս մի գնեք շափից դուրս շատ իրեր:

• Պատրաստ պահել ծննդատան համար պատրաստած պայուսակը, ինչպես նաև անհրաժեշտ փաստաթղթերը (փոխանակման քարտ, ծննդյան հավաստագիր, ծննդաբերության պայմանագիր):

Մոտ օրերին այն օգտագործելու շանսը դառնում է ավելի ու ավելի: Վստահ եղեք, որ ոչինչ չեք մոռացել` անհրաժեշտ իրերի ցուցակից:

• Հանգստացեք, քանի որ հուզմունքը կստիպի կծկումներն ավելի սուր զգալ:

Հանգստություն պահպանելn անհրաժեշտ է ցանկացած իրավիճակում, իսկ հղիության վերջին շաբաթներին դա հատկապես կարևոր է: