«ՄԱՐԳԱՐՅԱՆ ԾՆՆԴԱՏՈՒՆ» Մոր և մանկան առողջության պահպանման գիտահետազոտական կենտրոն
+374 60 68 58 48
English Русский
Լուրեր | Կեսարյան հատում. հարցազրույց Արմեն Բադալյանի հետ

Կեսարյան հատում. հարցազրույց Արմեն Բադալյանի հետ

2020 Հուլ 10, Ուրբաթ

  • Ի՞նչ է իրենից ներկայացնում

    Կեսարյան հատումը վիրահատություն է, որի ժամանակ երեխան ծնվում է ոչ թե բնական ծննդաբերական ուղիներով, այլ վիրահատական մեթոդով, երբ կատարվում է կտրվածք, արգանդը հատվում է, և երեխան հանվում է այդ կտրվածքով:

  • Ցուցումները՝ մորը և երեխային վերաբերող

    Ցուցումները բաժանվում են երկու մասի՝ ցուցումներ մոր կողմից և ցուցումներ երեխայի կողմից: Դրանք բաժանվում են նաև բացարձակի և հարաբերականի:
    Մոր կողմից ցուցումներն են՝ անատոմիական նեղ կոնքը, երբ կնոջ կոնքի չափերը փոքր են, և երեխան չի կարող այդ ճանապարհով ծնվել: Կամ կա ոչ թե անատոմիական, այլ կլինիկական նեղ կոնք:  Այդ դեպքում կոնքը կարող է նեղ չլինել, բայց կոնկրետ այդ դեպքի համար մոր և տվյալ չափի երեխայի համար կոնքը անանցանելի է: Հակացուցումներ են նաև մոր կոնքի ոսկրերի կոտրվածքները, կոնքի շրջանում որոշակի նորագոյացությունները, որոնք կարող են խանգարել սեռական ճեղքից երեխայի ծնվելուն, առաջադիր ընկերքը, որը փակում է ներքին օղը և դարձյալ խանգարում երեխայի բնական ճանապարհով ծնվելուն: Դրանք նաև բացարձակ ցուցումներ են:
    Երեխայի կողմից  հիմնականում կեսարյան հատման ցուցումներն են նրա մոտ արտահայտված ասֆեքսիան, երբ վատանում է սրտի վիճակը, և պետք է անհապաղ ծննդալուծել, սակայն դա հնարավոր չէ բնական ճաապարհով:  Ցուցում է նաև երեխայի ոչ նորմալ դիրքը: Ներկայում տոտիկային և հետույքային առաջադրությունների ժամանակ միշտ արվում է վիրահատական միջամտություն:
    Սակայն կյանքը ցույց է տալիս, որ կարծես այդ ցուցումներն իրենց սահմանները անհրաժեշտից ավելի են մեծացնում: Ծննդաբերությունների ընդհանուր թվի մեջ պետք է կեսարյան հատումը 15-20 տոկոսից բարձր չլինի, սակայն հասնում է մինչև 40 տոկոսի, իսկ կլինիկաներ կան, որտեղ այդ թիվը դրանից ավելի է:

  • Ինչո՞ւ են կանայք գերադասում այս միջոցը

    Այո, ներկայում շատ կանայք ավելի գերադասաում են կեսարյանը՝ վախենալով ծննդաբերությունից, ցավերից, իսկ վախն ավելի է ավելացնում ցավի զգացողությունը:
    Բայց ամեն դեպքում դա վիրահատություն է՝ իր բարդություններով, և եթե  դրա համար ցուցումներ չկան, ավելի ճիշտ կլինի խուսափել կեսարյան հատումից:
    Հայաստանում միայն կնոջ ցանկությամբ և առանց ցուցման չի կատարվում կեսարյան հատում: Մենք ամեն կերպ բացատրում ենք կնոջը, որ ցուցում չկա և պետք չէ կեսարյան հատում կատարել: Բայց երբեմն նրանք համառում են՝ մի բժշկից, մի կլինիկայից մյուսն են գնում, միայն թե առանց ցուցումի էլ վիրահատությամբ ծննդաբերեն:
     
  • Բնական ծննդաբերության առավելությունները

    Բնական ծննդաբերության առավելություններն են՝ արյան կորստի քիչ քանակը, ինֆեկցիայի ցածր հավանականությունը:
    Ամեն դեպքում կեսարյան հատումը վիրահատություն է, երբ կա անէսթեզիա, կտրված մակերեսներ, շերտեր, որոնք վտանգները մեծացնում են: Նաև կարող են ինֆեկցվել երիկամը, միզապարկը նույնպես:

  • Վտանգները մոր համար

    Մոր համար վտանգներն են արյան կորուստը, ինֆեկցիաները:
    Բացի դա, արգանդում արդեն սպի է ձևավորվում և երկրորդ, երրորդ անգամ էլ այդ սպի ունեցող արգանդով հղիանալիս, կրկին կեսարյան ճանապարհով  է պետք ծննդալուծել: Մի ժամանակ կեսարյանից հետո թողնում էինք ինքնուրույն  ծննդաբերել՝ գնահատվում էր սպիի վիճակը, հաստությունը և վճիռ կայացվում: Բայց ներկայում բոլորին կեսարյան հատում է արվում:  

  • Վտանգները երեխայի համար

    Եթե կեսարյանը պլանային է, մենք հնարավորինս փորձում ենք այն կատարել 38-39 շաբաթական ժամկետում, որպեսզի հնարավոր բարդություններից խուսափենք: Որովհետև 37-ում նոր միայն երեխայի թոքերը համարվում են հասուն, իսկ կեսարյանով ծնվող երեխաները մի փոքր այս կյանքի պայմաններին ավելի դժվար են ընտելանում, քան ինքնուրույն ծնվածները: Որովհետև, անցնելով ծննդաբերական ուղիներով, նրանք նախապատրաստվում են նոր կյանքի պայմաններին և դիսթրես սինդրոմ չի առաջանում:Իսկ կեսարյանով ծնվելիս, քանի որ երեխան հեշտ է լույս աշխարհ գալիս, միանգամից  կարող են թոքերի խնդիր ունենալ:

  • Պլանային վիրահատություն և դրա պատճառները

    Պլանայինն այն դեպքերն են, որոնք վիրահատության ցուցում ունեն: Այդ դեպքում բնականաբար հղիին պլանային կարգով պատրաստում ենք, անալիզներ են հանձնվում, հետազոտություններ արվում, և արդեն 38-39 շաբաթականում իրականացվում է վիրահատությունը:
      
  • Արտահերթ, անհետաձգելի վիրահատություն և դրա պատճառները

    Անհետաձգելի դեպքերի ցուցումները հիմնականում առաջանում են ծննդաբերության ընթացքում, ասենք, ոչ լրիվ բացվածքի հետևանքով կարող է պտուղը տուժել ներարգանդային հիպօքսիայի պատճառով: Եվ եթե հղին շտապ չծծնդալուծվի, երեխային կարող ենք կորցնել: Կամ, եթե լինում է ընկերքի վաղաժամ շերտազատում և արյունահոսություն: Բնականաբար այդ դեպքում վայրկյանների, րոպեների ընթացքում պետք է  երեխային դուրս բերել արգանդից, որպեսզի և՛ կնոջ, և՛ երեխայի կյանքը փրկվի:
     
  • Կիրառվող անէսթեզիայի տեսակները

    Վերջին տարիներին կեսարյան վիրահատությունների ժամանակ օգտագործվում է սպինալ անէսթեզիան, որը բնականաբար շատ ավելի դրական կողմեր ունի, բայց եթե կան դրա համար հակացուցումներ, արվում է ընդհանուր անզգայացում:
     
  • Ինպե՞ս է իրականացվում վիրահատությունը՝ նախապատրաստում, ընթացք

    Պլանայինի դեպքում, մեկ շաբաթվա ընթացքում, կատարվում են անհրաժեշտ հետազոտություններ, արյան ընդհանուր և բիոքիմիական անալիզ, կոագուլոգրամմա, մեզի ընդհանուր անալիզ և այլն: Բոլոր պլանայինների դեպքերում, որպես կանխարգելիչ միջոցառում, անկախ այն բանից՝  կա՞  երակների խնդիր, թե՝  ոչ,  վիրահատությունից 12 ժամ առաջ օգտագործվում են նաև արյունը ջրիկացնող պրեպարատներ, ներարկվում են ֆլաքսիպարին կամ պլեքսամ: Բացի դա, նաև գուլպաներ են հագցվում՝ թրոմբներից  խուսափելու համար:  Իսկ վիրահատությունը արգանդի հատումն է:
      
  • Երեխայի խնամքի տարբերությունը բնական ճանապարհով ծնվածից

    Երեխայի խնամքի առանձնահատուկ տարբերություններ չկան:
     
  • Ազդեցությունը հետագա հղիությունների և ծննդաբերությունների վրա

    Իհարկե, կեսարյան հատումներով էլ կարելի է 3-4 երեխա ունենալ, բայց դա արդեն դժվարություններ է ենթադրում, ամեն վիրահատությունից հետո հնարավոր են կպումային պրոցեսներ, որոնք հետագայում բարդացնում են և հղիության հնարավորությունը, և հետագա վիրահատությունների ընթացքը:

+374 60 68 58 48

Վերջին թարմացումներ

Կարդալ ավելին»
2026 Ապր 21, Երեքշաբթի | Լուրեր

Երբ երկար սպասված երազանքը վերջապես դառնում է իրականություն…

Յուրաքանչյուր նման պատմության մեջ կա հավատ, համբերություն և մեծ ճանապարհ, իսկ ամենակարևորը՝ ճիշտ մասնագիտական ուղեկցություն...

Կարդալ ավելին»
2026 Ապր 24, Ուրբաթ | Պացիենտների համար

ՀՏՀ. ատամնաբուժական միջամտություններ հղիության ընթացքում

1. Արդյո՞ք կարելի է հղիության ընթացքում այցելել ատամնաբույժի: Այո, իհարկե: Հղիության ընթացքում կարելի է և նույնիսկ ցուցված է այցելել ատամնաբույժի: Ատամների խնդիրը չլուծված թողնելը կարող է ավելի ռիսկային լինել, քան բուժումը: 2. Հղիության ո՞ր եռամսյակն է ամենահարմարը և անվտանգը ատամնաբույժի այցելելու  համար: Ատամնաբույժի այցելելու ամենաապահով և հարմար ժամանակը 2-րդ եռամսյակն է, երբ արդեն պտղի օրգանները ձևավորված են: 1-ին եռամսյակ` միջամտություններ իրականացվում է միայն ծայրահեղ անհրաժեշտության դեպքում (ցավ, վարակ, թարախակալում ունեցող բորբոքում) : Առաջնահերթությունը տրվում է մորը: 3-րդ եռամսյակ` ավտանգ ժամանակաշրջանն է միաջամտություններ իրականացնելու համար : Կարևորագույն պայմանը, որին հատկապես պետք է ուշադրություն դարձնել հղիի դիրքն է միջամտությունների աթոռին : Ցանկալի է աշխատել նստած, երկար ժամանակով չպառկեցնել: 3. Կարելի՞ է բուժել կամ հեռացնել ատամ հղիության ընթացքում: Այո,  հղիության ընթացքում կարելի է  հեռացնել, բուժել ատամ, քանի որ երբեմն  խնդիրը չլուծված թողնելը կարող է հանգեցնել շատ ավելի վտանգավոր ելքի: 4. Ի՞նչ անզգայացում է իրականացվում ատամնաբուժական միջամտություն կատարելու դեպքում: Օգտագործվում է հղիության ընթացքում անվտանգ համարվող տեղային անզգայացնող միջոցներ : Դեղամիջոցը արագ դուրս է գալիս օրգանիզմից, կարելի է ասել պլացենտայի բարիերը չանցնելով: Ավելի ապահով է ճիշտ ցավազրկումը, քան ցավին դիմանալը: Սթրեսը վտանգ է պտղի համար: 5. Արդյո՞ ք վնասակար է ատամների պլոմբավորման ընթացքում կիրառվող ուլտրամանուշակագույն լամպը: Ատամի պլոմբավորման ժամանակ կիրառվող ուլտրամանուշակագույն լամպի կիրառումն անվնաս է, գործում է տեղային, չի անցնում ամբողջ օրգանիզմով և չի հասնում պտղին: 6. Կարելի՞ է արդյոք հղիության ընթացքում կատարել ատամների ռենտգեն հետազոտություն: Հղիության ընթացքում հրատապ իրավիճակներում թույլատրվում է կատարել ռենտգեն հետազոտություն : Պետք է նշել , որ ժամանակակից սարքավորումները ունեն շատ ցածր ճառագայթում : Ռենտգեն հետազոտություն իրականացնելու ժամանակ հղին պարտադիր  հագնում է պաշտպանիչ կապարե գոգնոց : 7. Ի՞նչ միջամտություններ չի կարելի իրականացնել հղիության ընթացքում: Հղիության ընթացքում ցանկալի է խուսափել վիրաբուժական ( իմպլանտացիա, լնդային, ծնոտային վիրահատություններ…), կոսմետիկ (ատամների ձևի, գույնի, դեֆեկտների շտկում, լնդերի էսթետիկ միջամտություններ, զարդերի տեղադրում…) միջամտություններից: 8. Կարելի՞ է արդյոք մաքրել ատամնաքարերը և ատամնափառը: Այո, հղիության ընթացքում կարելի է և պարտադիր է ատամնաքարերի, ատամնափառի մաքրումը, քանի որ դրանք հանդիսանում են վարակի առաջնային օջախ և կարող են հեշտությամբ տարածվել արյան միջոցով, վնասել ինչպես մորը այնպես էլ պտղին:     Ատամնաքարերի և ատամնափառի հեռացումը կատարվում է հետևյալ տարբերակներով. ուլտրաձայնային մաքրում, հատուկ մածուկներով փայլեցում (փոլիշ), air-flow մաքրում (տեխնիկան կիրառվում է ատամների և միջատամնային անհասանելի հատվածների մաքրման համար) : Վերը նշված գործընթացները անվնաս են և նպաստում են բերանի խոռոչի հիգիենայի բարելավմանը: 9. Ատամի ցավի դեպքում կարելի՞ է օգտագործել ցավազրկող դեղեր: Այո, կան դեղահաբեր որոնք թուլատրելի են, սակայն ցավազրկողն ընդունելուց առաջ պարտադիր է խորհրդակցել մասնագետի հետ: 10. Ինչո՞ւ է հղիության ընթացքում հաճախ առաջանում լնդերի արյունահոսություն: Հորմոնալ փոփոխությունները որոնք տեղի են ունենում օրգանիզմում հղիության ընթացքում նպաստում են լնդերի արյունահոսության առաջացման:   11. Ինչպե՞ս խնամել ատամնաշարը և բերանի խոռոչը հղիության ընթացքում: Հղիության ընթացքում կնոջ օրգանիզմում տեղի ունեցող փոփոխությունները կարող են ազդել ինչպես ատամների, այնպես էլ լնդերի առողջության վրա, սակայն ճիշտ խնամքը մեզ թույլ կտա խուսափել արյունահոսություններից, տհաճ համի, հոտի զգացումից, հետագա բարդություններից: Ուստի խորհուրդ է տրվում ատամները լվանալ օրական առնվազն երկու անգամ, կատարել խոտաբույսերով պատրաստված թուրմով ողողումներ, սահմանափակել շաքարային սնունդը, նախապատվությունը տալ կալցիումով և վիտամին D-ով հարուստ մթերքներին: Սիրելի հղիներ, ևս մեկ անգամ հիշեցնում ենք, որ յուրաքանչյուր եռամսյակում կարևոր է այցելել ատամնաբույժի, անցնել համապատասխան զննում, խորհրդատվություն բարդացումներից խուսափելու համար: Հիշեք ավելի անվտանգ է ժամանակին խնդրի կանխումը:  

Կարդալ ավելին»
Կարդալ ավելին»
2026 Հուն 12, Երկուշաբթի | Մասնագետների համար

Մարգարյան ծննդատանը հաջողությամբ իրականացվել է հերթական օրգանապահպանողական վիրահատությունը

39 տարեկան կինը, ով շուրջ 4 տարի տառապել է անպտղությամբ, դիմել է մեր կլինիկա։ Կատարվել են......

Կարդալ ավելին»
Կարդալ բոլորը

«ՄԱՐԳԱՐՅԱՆ ԾՆՆԴԱՏՈՒՆ» Մոր և մանկան առողջության պահպանման գիտահետազոտական կենտրոն

Հղիություն` ըստ շաբաթների
Մայր և մանուկ
Կանանց համար

Հետևե՛ք մեզ

Սոցցանցերում

Կապ

Խորհրդատվություն

Ին՞չ են ասում մեր հաճախորդները...

Թողեք Ձեր կարծիքը




Ինչպե՞ս կգնահատեք մեր ծառայությունը