2021 Փետ 23, Երեքշաբթի
Ե՞րբ է օգտագործվում
Ձվաբջջի դոնորությունն օգտագործվում է, երբ կնոջ ձվարանային պաշարը սպառված է լինում: Ձվարանային պաշարի սպառումը կամ նվազումը մի շարք պատճառներ ունի, որոնց մեջ կարևոր է տարիքայինը: Պաշարի սպառում դիտվում է նաև ձվարանների ծանր վարակներից, վիրահատություններից, աուտոիմուն և մի շարք այլ սոմատիկ հիվանդություններից, սթրեսներից, քիմիոթերապիայից հետո, ինչպես նաև ժառանգական նախատրամադրվածության արդյունքում:
Ովքե՞ր կարող են լինել դոնորներ
Դոնորները պետք է համապատասխանեն որոշակի պահանջների: Դոնորներ կարող են լինել մինչև երեսունհինգ տարեկան առողջ կանայք, ովքեր անպայման արդեն ունենան գոնե մեկ առողջ երեխա: Նրանք պետք է պարտադիր անցնեն մի շարք հետազոտություններ:
Կատարվող հետազոտությունները
Կատարվում են հետևյալ հետազոտությունները՝ հորմոնալ, ինֆեկցիոն և ընդհանուր սոմատիկ հիվանդությունների սքրինինգ: Պարտադիր կատարվում է նաև գենետիկ հետազոտություն:
Դոնորության ծրագրի փուլերը
Դոնորության ծրագրի առաջին փուլը հետազոտություններն են. հետազոտվում են և՛ կենսաբանական մայրը, և՛ դոնորը: Եվ, իհարկե, առաջին պայմանն այն է, որ, ըստ օրենսդրական պահանջի, նրանք միմյանց պետք է չճանաչեն:
Հետազոտման փուլից հետո համապատասխանեցման՝ սինխրոնիզացիայի փուլն է, երբ հորմոնալ դեղորայքի օգնությամբ համապատասխանեցվում են կենսաբանական մոր և դոնորի ցիկլերը: Եթե դա հնարավոր չէ, անցնում է կատարվում ձվաբջջի կամ սաղմի սառեցման ծրագրին, երբ բեղմնավորումից հետո սաղմը սառեցվում է և, կենսաբանական մոր որոշակի պատրաստումից հետո, այն ապասառեցումից հետո տեղադրվում է կենսաբանական մոր արգանդի խոռոչում:
Ինչպիսի՞ ձախողումներ կարող են դիտվել, և ինչպե՞ս խուսափել դրանցից:
Նախապես կատարված հետազոտությունները թույլ են տալիս կանխատեսել և բացառել բոլոր հնարավոր խնդիրները: Ձվաբջիջների որակը գնահատվում է բալերով՝ ըստ հատուկ սանդղակի, ապա նրանցից ընտրվում են լավագույնները՝ ավելի առողջները և կենսունակները: Այնուամենայնիվ, կարող են լինել ձախողումներ. դրանցից են՝ ավելի քիչ ձվաբջիջների ստացումը, ձվաբջջի բեղմնավորման սխալ ընթացքը և բացասական ընթացքը տեղադրումից հետո: Բայց հիմնականում, եթե կնոջ տարիքը համապատասախան է և նա միանգամայն առողջ է, բոլոր հետազոտությունների տվյալները նորմալ են, հաջողվում է անհաջողությունների տոկոսը նվազեցնել:
Բոլոր ստացված ձվաբջիջնե՞րն են օգտագործվում կամ սառեցվում:
Ստացված բոլոր ձվաբջիջներն էլ բեղմնավորվում են, և, եթե կենսաբանական մայրը համաձայնվում է, սաղմերը սառեցվում են: Ձվաբջիջների սառեցումը և պահպանումը կատարվում է անպայման կնոջ համաձայնությամբ, քանի որ այն վճարովի ծառայություն է:
Յուրաքանչյուր ցիկլում, եթե փորձը ձախողվում է, նորից կրկնվում է: Ամեն դեպքում, աշխատում ենք երկուսից ավելի սաղմ չտեղադրել՝ բազմապտուղ հղիությունից խուսափելու համար:
Դոնորական ծրագրով արհեստական բեղմնավորման ադյունքների հաջողությունը կազմում է 30-40 տոկոս:
Այս մեթոդի շնորհիվ, եթե նախկինում ձվարաններ կամ ձվաբջիջ չունեցող կանայք համարվում էին անպտուղ, ներկայում կարող են մեր օգնությամբ երեխա ունենալ:
Յուրաքանչյուր նման պատմության մեջ կա հավատ, համբերություն և մեծ ճանապարհ, իսկ ամենակարևորը՝ ճիշտ մասնագիտական ուղեկցություն...
Կարդալ ավելին»
1. Արդյո՞ք կարելի է հղիության ընթացքում այցելել ատամնաբույժի: Այո, իհարկե: Հղիության ընթացքում կարելի է և նույնիսկ ցուցված է այցելել ատամնաբույժի: Ատամների խնդիրը չլուծված թողնելը կարող է ավելի ռիսկային լինել, քան բուժումը: 2. Հղիության ո՞ր եռամսյակն է ամենահարմարը և անվտանգը ատամնաբույժի այցելելու համար: Ատամնաբույժի այցելելու ամենաապահով և հարմար ժամանակը 2-րդ եռամսյակն է, երբ արդեն պտղի օրգանները ձևավորված են: 1-ին եռամսյակ` միջամտություններ իրականացվում է միայն ծայրահեղ անհրաժեշտության դեպքում (ցավ, վարակ, թարախակալում ունեցող բորբոքում) : Առաջնահերթությունը տրվում է մորը: 3-րդ եռամսյակ` ավտանգ ժամանակաշրջանն է միաջամտություններ իրականացնելու համար : Կարևորագույն պայմանը, որին հատկապես պետք է ուշադրություն դարձնել հղիի դիրքն է միջամտությունների աթոռին : Ցանկալի է աշխատել նստած, երկար ժամանակով չպառկեցնել: 3. Կարելի՞ է բուժել կամ հեռացնել ատամ հղիության ընթացքում: Այո, հղիության ընթացքում կարելի է հեռացնել, բուժել ատամ, քանի որ երբեմն խնդիրը չլուծված թողնելը կարող է հանգեցնել շատ ավելի վտանգավոր ելքի: 4. Ի՞նչ անզգայացում է իրականացվում ատամնաբուժական միջամտություն կատարելու դեպքում: Օգտագործվում է հղիության ընթացքում անվտանգ համարվող տեղային անզգայացնող միջոցներ : Դեղամիջոցը արագ դուրս է գալիս օրգանիզմից, կարելի է ասել պլացենտայի բարիերը չանցնելով: Ավելի ապահով է ճիշտ ցավազրկումը, քան ցավին դիմանալը: Սթրեսը վտանգ է պտղի համար: 5. Արդյո՞ ք վնասակար է ատամների պլոմբավորման ընթացքում կիրառվող ուլտրամանուշակագույն լամպը: Ատամի պլոմբավորման ժամանակ կիրառվող ուլտրամանուշակագույն լամպի կիրառումն անվնաս է, գործում է տեղային, չի անցնում ամբողջ օրգանիզմով և չի հասնում պտղին: 6. Կարելի՞ է արդյոք հղիության ընթացքում կատարել ատամների ռենտգեն հետազոտություն: Հղիության ընթացքում հրատապ իրավիճակներում թույլատրվում է կատարել ռենտգեն հետազոտություն : Պետք է նշել , որ ժամանակակից սարքավորումները ունեն շատ ցածր ճառագայթում : Ռենտգեն հետազոտություն իրականացնելու ժամանակ հղին պարտադիր հագնում է պաշտպանիչ կապարե գոգնոց : 7. Ի՞նչ միջամտություններ չի կարելի իրականացնել հղիության ընթացքում: Հղիության ընթացքում ցանկալի է խուսափել վիրաբուժական ( իմպլանտացիա, լնդային, ծնոտային վիրահատություններ…), կոսմետիկ (ատամների ձևի, գույնի, դեֆեկտների շտկում, լնդերի էսթետիկ միջամտություններ, զարդերի տեղադրում…) միջամտություններից: 8. Կարելի՞ է արդյոք մաքրել ատամնաքարերը և ատամնափառը: Այո, հղիության ընթացքում կարելի է և պարտադիր է ատամնաքարերի, ատամնափառի մաքրումը, քանի որ դրանք հանդիսանում են վարակի առաջնային օջախ և կարող են հեշտությամբ տարածվել արյան միջոցով, վնասել ինչպես մորը այնպես էլ պտղին: Ատամնաքարերի և ատամնափառի հեռացումը կատարվում է հետևյալ տարբերակներով. ուլտրաձայնային մաքրում, հատուկ մածուկներով փայլեցում (փոլիշ), air-flow մաքրում (տեխնիկան կիրառվում է ատամների և միջատամնային անհասանելի հատվածների մաքրման համար) : Վերը նշված գործընթացները անվնաս են և նպաստում են բերանի խոռոչի հիգիենայի բարելավմանը: 9. Ատամի ցավի դեպքում կարելի՞ է օգտագործել ցավազրկող դեղեր: Այո, կան դեղահաբեր որոնք թուլատրելի են, սակայն ցավազրկողն ընդունելուց առաջ պարտադիր է խորհրդակցել մասնագետի հետ: 10. Ինչո՞ւ է հղիության ընթացքում հաճախ առաջանում լնդերի արյունահոսություն: Հորմոնալ փոփոխությունները որոնք տեղի են ունենում օրգանիզմում հղիության ընթացքում նպաստում են լնդերի արյունահոսության առաջացման: 11. Ինչպե՞ս խնամել ատամնաշարը և բերանի խոռոչը հղիության ընթացքում: Հղիության ընթացքում կնոջ օրգանիզմում տեղի ունեցող փոփոխությունները կարող են ազդել ինչպես ատամների, այնպես էլ լնդերի առողջության վրա, սակայն ճիշտ խնամքը մեզ թույլ կտա խուսափել արյունահոսություններից, տհաճ համի, հոտի զգացումից, հետագա բարդություններից: Ուստի խորհուրդ է տրվում ատամները լվանալ օրական առնվազն երկու անգամ, կատարել խոտաբույսերով պատրաստված թուրմով ողողումներ, սահմանափակել շաքարային սնունդը, նախապատվությունը տալ կալցիումով և վիտամին D-ով հարուստ մթերքներին: Սիրելի հղիներ, ևս մեկ անգամ հիշեցնում ենք, որ յուրաքանչյուր եռամսյակում կարևոր է այցելել ատամնաբույժի, անցնել համապատասխան զննում, խորհրդատվություն բարդացումներից խուսափելու համար: Հիշեք ավելի անվտանգ է ժամանակին խնդրի կանխումը:
Կարդալ ավելին»
39 տարեկան կինը, ով շուրջ 4 տարի տառապել է անպտղությամբ, դիմել է մեր կլինիկա։ Կատարվել են......
Կարդալ ավելին»
«ՄԱՐԳԱՐՅԱՆ ԾՆՆԴԱՏՈՒՆ» Մոր և մանկան առողջության պահպանման գիտահետազոտական կենտրոն
Հայաստանի Հանրապետություն
2018 Բոլոր իրավունքները պաշտպանված են
Հայերեն
English
Русский