2023 Հուն 19, Երկուշաբթի
Ի՞նչ խնդիրներով են կանայք հաճախ դիմում գինեկոլոգին` ծննդաբերությունից հետո։
Ծննդաբերությունից հետո կանայք կարող են ունենալ մի շարք խնդիրներ, ինչպիսիք են՝ արյունահոսություն, ցավ` շեքի շրջանում, կրծքով կերակրման դժվարություններ, անմիզապահություն, հետծննդաբերական դեպրեսիա և այլն:
Սովորաբար, որքա՞ն ժամանակ է տևում արյունային արտադրությունը ծննդաբերությունից հետո, և ե՞րբ անհանգստանալ։
Ծննդաբերությունից հետո արյունային արտադրությունը (լոխիա) կարող է տևել մի քանի շաբաթ: Սկզբնական շրջանում այն նման է առատ դաշտանի և, ժամանակի ընթացքում, աստիճանաբար, պակասում է: Եթե արտադրությունը դառնում է չափազանց առատ, վառ կարմիր կամ ուղեկցվում է ուժեղ ցավով և ջերմությամբ, հարկ է խորհրդակցել գինեկոլոգի հետ:
Որո՞նք են կրծքով կերակրման հետ կապված առավել հաճախ հանդիպող խնդիրները։
Կրծքով կերակրումը կարող է ունենալ իր ուրույն մարտահրավերները: Կրծքով կերակրման տարածված խնդիրներից են պտուկների ճաքը, ցավոտությունը, լակտոստազը (կաթի կանգը` կրծքագեղձերում), կաթնարտադրության պակասը կամ կրծքագեղձի վարակները (մաստիտ)
Գինեկոլոգի ուղղորդմամբ և օգնությամբ հնարավոր է հաղթահարել այդ մարտահրավերները և շարունակել կրծքով կերակրել:
Նորմա՞լ է, արդյոք, ծննդաբերությունից հետո սեռական հարաբերության ժամանակ ցավը կամ անհարմարավետության զգացողությունը։
Նման խնդիրը ծննդաբերությունից հետո կարող է պայմանավորված լինել տարբեր գործոններով, ինչպիսիք են՝ շեքի դեռևս չապաքինված պատռվածքը, հորմոնալ փոփոխությունները կամ հեշտոցում` չորությունը:
Խորհուրդ է տրվում ծննդաբերությունից հետո մոտավորաես 6 շաբաթ ձեռնպահ մնալ սեռական հարաբերությունից, ինչը կարևոր ժամանակ է մարմնի ապաքինման համար։ Հարկ է կատարել վարժություններ, անհրաժեշտության դեպքում օգտագործել ջրային հիմքով քսանյութեր: Եթե ցավը շարունակվում կամ ուժեղանում է, խորհուրդ է տրվում խորհրդակցել գինեկոլոգի հետ` վիճակի ճիշտ գնահատման համար:
Ծննդաբերությունից հետո ինչո՞ւ է առաջանում անմիզապահություն։
Անմիզապահությունը կամ մեզի ակամա արտահոսքը սովորական խնդիր է հատկապես հեշտոցային ծննդաբերությունից հետո։ Այն կարող է առաջանալ կոնքի հատակի մկանների թուլացման պատճառով։
Կոնքի հատակի վարժությունները, որոնք հայտնի են որպես Կեգելի վարժություններ, կարող են օգնել ուժեղացնել այդ մկանները:
Գինեկոլոգը վարժությունները կատարելու ճիշտ տեխնիկայի վերաբերյալ խորհուրդներ կտա և կառաջարկի լրացուցիչ բուժում, ինչպես, օրինակ` ֆիզիոթերապիա:
Յուրաքանչյուր նման պատմության մեջ կա հավատ, համբերություն և մեծ ճանապարհ, իսկ ամենակարևորը՝ ճիշտ մասնագիտական ուղեկցություն...
Կարդալ ավելին»
1. Արդյո՞ք կարելի է հղիության ընթացքում այցելել ատամնաբույժի: Այո, իհարկե: Հղիության ընթացքում կարելի է և նույնիսկ ցուցված է այցելել ատամնաբույժի: Ատամների խնդիրը չլուծված թողնելը կարող է ավելի ռիսկային լինել, քան բուժումը: 2. Հղիության ո՞ր եռամսյակն է ամենահարմարը և անվտանգը ատամնաբույժի այցելելու համար: Ատամնաբույժի այցելելու ամենաապահով և հարմար ժամանակը 2-րդ եռամսյակն է, երբ արդեն պտղի օրգանները ձևավորված են: 1-ին եռամսյակ` միջամտություններ իրականացվում է միայն ծայրահեղ անհրաժեշտության դեպքում (ցավ, վարակ, թարախակալում ունեցող բորբոքում) : Առաջնահերթությունը տրվում է մորը: 3-րդ եռամսյակ` ավտանգ ժամանակաշրջանն է միաջամտություններ իրականացնելու համար : Կարևորագույն պայմանը, որին հատկապես պետք է ուշադրություն դարձնել հղիի դիրքն է միջամտությունների աթոռին : Ցանկալի է աշխատել նստած, երկար ժամանակով չպառկեցնել: 3. Կարելի՞ է բուժել կամ հեռացնել ատամ հղիության ընթացքում: Այո, հղիության ընթացքում կարելի է հեռացնել, բուժել ատամ, քանի որ երբեմն խնդիրը չլուծված թողնելը կարող է հանգեցնել շատ ավելի վտանգավոր ելքի: 4. Ի՞նչ անզգայացում է իրականացվում ատամնաբուժական միջամտություն կատարելու դեպքում: Օգտագործվում է հղիության ընթացքում անվտանգ համարվող տեղային անզգայացնող միջոցներ : Դեղամիջոցը արագ դուրս է գալիս օրգանիզմից, կարելի է ասել պլացենտայի բարիերը չանցնելով: Ավելի ապահով է ճիշտ ցավազրկումը, քան ցավին դիմանալը: Սթրեսը վտանգ է պտղի համար: 5. Արդյո՞ ք վնասակար է ատամների պլոմբավորման ընթացքում կիրառվող ուլտրամանուշակագույն լամպը: Ատամի պլոմբավորման ժամանակ կիրառվող ուլտրամանուշակագույն լամպի կիրառումն անվնաս է, գործում է տեղային, չի անցնում ամբողջ օրգանիզմով և չի հասնում պտղին: 6. Կարելի՞ է արդյոք հղիության ընթացքում կատարել ատամների ռենտգեն հետազոտություն: Հղիության ընթացքում հրատապ իրավիճակներում թույլատրվում է կատարել ռենտգեն հետազոտություն : Պետք է նշել , որ ժամանակակից սարքավորումները ունեն շատ ցածր ճառագայթում : Ռենտգեն հետազոտություն իրականացնելու ժամանակ հղին պարտադիր հագնում է պաշտպանիչ կապարե գոգնոց : 7. Ի՞նչ միջամտություններ չի կարելի իրականացնել հղիության ընթացքում: Հղիության ընթացքում ցանկալի է խուսափել վիրաբուժական ( իմպլանտացիա, լնդային, ծնոտային վիրահատություններ…), կոսմետիկ (ատամների ձևի, գույնի, դեֆեկտների շտկում, լնդերի էսթետիկ միջամտություններ, զարդերի տեղադրում…) միջամտություններից: 8. Կարելի՞ է արդյոք մաքրել ատամնաքարերը և ատամնափառը: Այո, հղիության ընթացքում կարելի է և պարտադիր է ատամնաքարերի, ատամնափառի մաքրումը, քանի որ դրանք հանդիսանում են վարակի առաջնային օջախ և կարող են հեշտությամբ տարածվել արյան միջոցով, վնասել ինչպես մորը այնպես էլ պտղին: Ատամնաքարերի և ատամնափառի հեռացումը կատարվում է հետևյալ տարբերակներով. ուլտրաձայնային մաքրում, հատուկ մածուկներով փայլեցում (փոլիշ), air-flow մաքրում (տեխնիկան կիրառվում է ատամների և միջատամնային անհասանելի հատվածների մաքրման համար) : Վերը նշված գործընթացները անվնաս են և նպաստում են բերանի խոռոչի հիգիենայի բարելավմանը: 9. Ատամի ցավի դեպքում կարելի՞ է օգտագործել ցավազրկող դեղեր: Այո, կան դեղահաբեր որոնք թուլատրելի են, սակայն ցավազրկողն ընդունելուց առաջ պարտադիր է խորհրդակցել մասնագետի հետ: 10. Ինչո՞ւ է հղիության ընթացքում հաճախ առաջանում լնդերի արյունահոսություն: Հորմոնալ փոփոխությունները որոնք տեղի են ունենում օրգանիզմում հղիության ընթացքում նպաստում են լնդերի արյունահոսության առաջացման: 11. Ինչպե՞ս խնամել ատամնաշարը և բերանի խոռոչը հղիության ընթացքում: Հղիության ընթացքում կնոջ օրգանիզմում տեղի ունեցող փոփոխությունները կարող են ազդել ինչպես ատամների, այնպես էլ լնդերի առողջության վրա, սակայն ճիշտ խնամքը մեզ թույլ կտա խուսափել արյունահոսություններից, տհաճ համի, հոտի զգացումից, հետագա բարդություններից: Ուստի խորհուրդ է տրվում ատամները լվանալ օրական առնվազն երկու անգամ, կատարել խոտաբույսերով պատրաստված թուրմով ողողումներ, սահմանափակել շաքարային սնունդը, նախապատվությունը տալ կալցիումով և վիտամին D-ով հարուստ մթերքներին: Սիրելի հղիներ, ևս մեկ անգամ հիշեցնում ենք, որ յուրաքանչյուր եռամսյակում կարևոր է այցելել ատամնաբույժի, անցնել համապատասխան զննում, խորհրդատվություն բարդացումներից խուսափելու համար: Հիշեք ավելի անվտանգ է ժամանակին խնդրի կանխումը:
Կարդալ ավելին»
39 տարեկան կինը, ով շուրջ 4 տարի տառապել է անպտղությամբ, դիմել է մեր կլինիկա։ Կատարվել են......
Կարդալ ավելին»
«ՄԱՐԳԱՐՅԱՆ ԾՆՆԴԱՏՈՒՆ» Մոր և մանկան առողջության պահպանման գիտահետազոտական կենտրոն
Հայաստանի Հանրապետություն
2018 Բոլոր իրավունքները պաշտպանված են
Հայերեն
English
Русский