Սեմինարները կանցկացվեն շաբաթական մեկ անգամ`15․08․2024թ, 22․08․2024թ և 29․ 08․2024թ՝ ուղղված լինելով մանկաբարձ-գինեկոլոգների, նեոնատոլոգների, մանկաբույժների, մանկաբարձուհիների, նեոնատալ բուժքույրերի համար կրծքով կերակրման խնդիրներին վերաբերող գիտելիքների թարմացմանն ու արդի տեղեկատվության տրամադրմանը:

Դասախոսությունները կկարդան Մարգարյան ծննդատան մասնագետները՝ Նորածնային բաժանմունքի վարիչ, նեոնատոլոգ Անաիդա Ասատրյանը, կրծքով կերակրման խորհրդատու` նեոնատոլոգ Աննա Տոնիկյանը և  կրծքով  կերակրման խորհրդատու՝ բուժքույր Մարիաննա Հովհաննիսյանը։

Նորածնային բաժանմունքի վարիչ, նեոնատոլոգ Անաիդա Ասատրյան.

Սեմինարների նպատակը մեր աշխատակիցների, ինչպես նաև այլ բուժհաստատությունների գործընկերների հետ փորձի փոխանակումն է։

Վերջին տարիներին աճել է կրծքով կերակրումն ընտրող մայրերի թիվը, և մեր ծննդատունը որդեգրել է` որպես երեխաներին կյանքի լավագույն սկիզբ, նրանց կրծքի կաթով սնվելու հնարավորություն տալ:

Վստահ ենք, որ այս սեմինարները կօգնեն բարելավել կրծքով կերակրման պրակտիկան՝ աջակցելով նեոնատոլոգիայի, մանկաբարձության և գինեկոլոգիայի բաժանմունքներում աշխատող բուժաշխատողներին:

Կարևոր է նշել, որ սեմինարներն անցկացվում են ՅՈՒՆԻՍԵՖ-ի և ԱՀԿ-ի կողմից հայտարարված Կրծքով կերակրման համաշխարհային շաբաթվա առիթով:

Մենք հպարտ ենք այս կարևոր իրադարձությանը նպաստելու և կրծքով կերակրման խթանման համաշխարհային նախաձեռնություններին աջակցելու համար:

Սեմինարների ծրագրին կարող եք ծանոթանալ այստեղ⬇️
https://morevmankan.am/arm/726/ՍեմինարներիշարքնվիրվածԿրծքովկերակրմանհամաշխարհայինշաբաթին