Յուրաքանչյուր ծննդաբերություն յուրահատուկ է՝ իր ընթացքով, զգացողություններով և բժշկական ցուցումներով։ Կարևոր է, որ յուրաքանչյուր մայր իմանա՝ որ ձևն է ամենաբարենպաստն իր և փոքրիկի առողջության համար...։

Բնական ծննդաբերություն

Սա ամենաֆիզիոլոգիական և բնական ընթացքն է, երբ երեխան լույս աշխարհ է գալիս առանց վիրահատական միջամտության։ Բնական ծննդաբերության դեպքում մայրական օրգանիզմը գործում է ներդաշնակորեն՝ պատրաստվելով նոր կյանքի ծնունդին։ Այս եղանակը նպաստում է արագ վերականգնմանը, կաթարտադրության բնական մեկնարկին և մոր ու երեխայի անմիջական շփմանը՝ մաշկը մաշկին։

Կեսարյան հատում

Կեսարյան հատումը նախատեսվում է այն դեպքերում, երբ բնական ծննդաբերությունը կարող է վտանգ ներկայացնել մոր կամ պտղի առողջության համար։ Ժամանակակից բժշկության պայմաններում այն համարվում է անվտանգ, կանխատեսելի և վերահսկվող մեթոդ, որն իրականացվում է փորձառու մասնագետների կողմից՝ մոր և նորածնի առավելագույն անվտանգությունը ապահովելու նպատակով։

Ջրային ծնունդ

Ջրային ծնունդը համարվում է առավել նուրբ տարբերակ՝ ապահովելով մոր հանգիստ և հարմարավետ վիճակը ծննդաբերության ընթացքում։ Ջուրը մեղմացնում է ցավային զգացողությունները, նպաստում մկանների թուլացմանը և օգնում է փոքրիկին ավելի մեղմ կերպով հարմարվել նոր միջավայրին։ Այս եղանակը հնարավորություն է տալիս մորն ապրել ծննդաբերության գործընթացը ավելի հանգիստ և ներդաշնակ ձևով։

Մեր նպատակն է՝ ապահովել, որ յուրաքանչյուր ծննդաբերություն անցնի հոգատար, անվտանգ և վստահելի միջավայրում՝ այն եղանակով, որն ամենից ավելի համապատասխանում է մոր և երեխայի առողջությանը։

Մայրության ճանապարհը սկսվում է վստահությամբ և հոգատարությամբ։