2021 Սեպ 30, Հինգշաբթի
Հղիության ընթացքում համավարակի փուլում կորոնավիրուսային վարակից խուսափելը հղի կնոջ առաջնահերթ խնդիրն է:
Մեր հորդորն է. եթե հղի եք, պետք է նախազգուշական միջոցներ ձեռնարկեք` COVID-19-ով վարակվելուց պաշտպանելու համար: Պահպանեք բժշկի հետ կապը, ձեռնարկեք հնարավորը, ներառյալ՝ ֆիզիկական հեռավորությունը, դիմակ կրելը, ձեռքերը լվանալը, խուսափեք մեծ հավաքույթներից և փակ տարածքներում շփումներից:
Համավարակի փուլում կիրառելի է հեռավար շփման տարբերակը և բուժհաստատություն այցերի սահմանափակումը: Ներկայում մանկաբարձ-գինեկոլոգները կիրառում են հեռաբժշկությունը, որպեսզի շարունակեն հղիների մոնիտորինգը՝ խուսափելով բժշկի մոտ անձնական այցից:
Պարտադի՞ր է հղիների մոտ կորոնավիրուսի թեստ հանձնելը
Եթե առկա են COVID-19-ի ախտանիշներ կամ կարծում եք, որ շփվել եք վարակված անձի հետ, զանգահարեք Ձեր բժշկին և հետևեք նրա խորհուրդներին, մի զբաղվեք ինքնաբուժմամբ:
Այժմ, երբ COVID-19-ի դեմ պատվաստանյութերն արտոնված են Առողջապահության համաշխարհային կազմակերպության կողմից` արտակարգ պայմաններում կիրառման համար, քննարկեք Ձեր բժշկի հետ պատվաստման տարբերակը և դրա առավել նպաստավոր ժամկետները:
Ի վերջո, հղի կանայք պետք է պատվաստվեն գրիպի դեմ: Գրիպով հիվանդ հղի կանայք վտանգված են հիվանդության առավել ծանր ընթացքի ռիսկով, հաջորդիվ` վտանգվում է ապագա երեխայի առողջությունը:
Աշխատեք պատվաստվել` նախքան հիվանդացության սեզոնային վերելքը:
Ապրիլի 16-ին Մոր և մանկան առողջության պահպանման գիտահետազոտական կենտրոնում տեղի ունեցավ...
Կարդալ ավելին»Հղիության ընթացքում պետք է դիմել բժշկի խորհրդատվությանը, եթե առկա են...
Կարդալ ավելին»Մոր և մանկան առողջության պահպանման ԳՀԿ էր դիմել 29 տ. կին, ում մոտ ախտորոշվել էր գիգանտ միոմա։ Նա Կանադայից էր, համացանցով փնտրել և ընտրել էր...
Կարդալ ավելին»