Հակաբեղմավորիչ հաբերը պարունակում են կնոջ օրգանիզմում արտադրվող միևնույն հորմոններ։ Դրանք կանխում են ձվազատումը և սերմնաբջիջների անցումը պարանոցային լորձով դեպի արգանդի խոռոչ։

Առավելություներ

Արդյունավետությունը 92-99,7% է։

• Նվազեցնում են ձվարանների և արգանդի լորձաթաղանթի քաղցկեղի առաջացման վտանգը, կրծքագեղձի և ձվարանների կիստայի առաջացման հավանականությունը։
• Մեղմացնում են դաշտանային ցավը և նվազեցնում արյան կորուստը։
• Հաբերի ընդունումը դադարեցնելուց կարճ ժամանակ անց վերականգնվում է պտղաբերությունը։
• Չեն ազդում սեռական հարաբերության ընթացքի վրա։

Թերություններ և կողմնակի ազդեցություններ

• Երբեմն առաջացնում են սրտխառնոց, հազվադեպ փսխում, գլխացավ, կրծքագեղձերի լարվածություն, հատկապես առաջին 3 ամսվա ընթացքում։
• Չեն պաշտպանում սեռավարակներից, ներառյալ ՄԻԱՎ-ը։
• Կարող են առաջացնել սիրտանոթային համակարգի որոշ խանգարումներ։
• Նպաստում են արյան մակարդելիության բարձրացմանը։

Անհրաժեշտ է ընդունել ամեն օր միևնույն ժամին

Հակաբեղմնավորիչ հաբերը հակացուցված են, եթե.

• ձեր տարիքը 35-ից անց է,
• դուք ծխում եք,
• ունեք սրտանոթային (արյան բարձր ճնշում), լյարդի հիվանդություններ, միգրեն։

Եթե Դուք կերակրում եք կրծքով, դիմեք բժշկի` պարզելու ձեզ հարմար հակաբեղմնավորիչ հաբերը։