Մոր և մանկան առողջության պահպանման գիտահետազոտական կենտրոն
Լուրեր | Ամանորի գիշերը Մոր և մանկան առողջության պահպանման գիտահետազոտական կենտրոնում

Ամանորի գիշերը Մոր և մանկան առողջության պահպանման գիտահետազոտական կենտրոնում

2020 Հուն 05, Կիրակի

Դեկտեմբերի 31–ի` լույս հունվարի 1-ի գիշերը Մոր և մանկան առողջության պահպանման գիտահետազոտական կենտրոնում ծնվել են երկու աղջիկ և մեկ տղա։ Այդ մասին մեզ հետ զրույցում ասել է կենտրոնի փոխտնօրեն Արմեն Գասպարյանը։ 

Նրա փոխանցմամբ՝  բալիկներից երկուսը լույս աշխարհ են եկել կեսարյան հատմամբ, իսկ մեկը` բնական ճանապարհով։

«Օգտվելով առիթից, ցանկանում եմ շնորհավորել հայ ժողովրդի Ամանորն ու Սուրբ Ծնունդը։ Թող բոլորի ընտանիքներում հնչի մանկան ճիչը, և աշխարհի բոլոր մանուկները լինեն առողջ ու երջանիկ»։

Օրվա հերթափոխն ընդունած մանկաբարձ-գինեկոլոգ Արմինե Խանամիրյանն այս անգամ աշխատանքի էր եկել հունվարի 1-ին։

«Պատահել է, որ հերթապահություն եմ ունեցել նաև դեկտեմբերի 31-ին։ Բժիշկների համար դա հերթական աշխատանքային օր է։ Պատահում է, որ գործն այնքան շատ է լինում, մոռանում ես անգամ տոնի մասին», - նշել է բժշկուհին։

Բժիշկ-նեոնոտոլոգ Մարինե Զարգարյանը մեզ հետ զրույցում ասաց, որ դեկտեմբերի 31–ի` լույս հունվարի 1-ի գիշերը լույս աշխարհ եկած բալիկները ծնվել են հետևյալ քաշով առաջին աղջիկը՝ 3.000 գր քաշով և 50 սմ հասակով, երկրորդ աղջիկը 2.400 գր քաշով և 49 սմ հասակով (նորածինն ունեցել է հիպոգլիկեմիա, ինչը շտկվել է, և այս պահին նորածինը գտնվում է հսկողության տակ), տղան՝ 2.750 գր քաշով և 49 սմ հասակով»։

Մ․ Զարգարյանի փոխանցմամբ՝ նորածնային վերակենդանացման բաժնում այս պահին ունեն 20 երեխա, որոնք բուժում են ստանում։

«Մեզ համար սովորական բան է ռեժիմով աշխատանքը։ Տոնական օրերին պարզապես փորձում ենք հնարավորինս տոնական մթնոլորտ ստեղծել մեր կենտրոնի ծննդկանների համար, որպեսզի նրանք այստեղ չզգան միայնակ, այլ լինեն այնպես, ինչպես ընտանիքում»։

Աստղիկ Խաչատրյանը շնորհակալ է կենտրոնի ամբողջ անձնակազմից: Պատմում է, որ Ամանորը տանն է նշել, հետո շտապել հիվանդանոց։ Արինան լույս աշխարհ է եկել 06.30-ին։

«Սա իմ երրորդ բալիկն է։ Մեծ աղջիկս 6 տարեկան է, տղաս` երկու տարեկան։ Նրանք անհամբերությամբ սպասում են իրենց քուրիկին»։

+374 10 53 13 42

Վերջին թարմացումներ

Կարդալ ավելին»
2020 Հուլ 10, Ուրբաթ | Լուրեր

Ի՞նչ ախտանշաններ ունի կրելախախտը

Կրելախախտ. հարցազրույց Մերի Թադևոսյանի հետԻ՞նչ է կրելախախտը:...

Կարդալ ավելին»
Կարդալ ավելին»
2020 Մայ 26, Երեքշաբթի | Պացիենտների համար

Հղիության 37-րդ շաբաթ

Մնացել է շատ քիչ` երեխայի աշխարհ գալուն: Համաձայն պաշտոնական բժշկության, 37-րդ շաբաթում ծնված երեխան համարվում է հասուն: Չարժե անհանգստանալ, որ երեխան որովայնում ավելի քիչ է շարժվում...

Կարդալ ավելին»
Կարդալ ավելին»
2019 Դեկ 12, Հինգշաբթի | Մասնագետների համար

Դաշտանադադարային համախտանիշի առանձնահատկությունները ոսկրերի հանքային խտության տարբեր մեծություններով կանանց մոտ

Դաշտանադադարը (ԴԴ) ֆիզիոլոգիական շրջան է, որի ընթացքում կնոջ օրգանիզմի ընդհանուր տարիքային փոփոխությունների ֆոնի վրա տեղի են ունենում կնոջ վերարտադրողական...

Կարդալ ավելին»

Մոր և մանկան առողջության պահպանման գիտահետազոտական կենտրոն

Հետևե՛ք մեզ

Սոցցանցերում

Կապ

Խորհրդատվություն

Ին՞չ են ասում մեր հաճախորդները...

Թողեք Ձեր կարծիքը




Ինչպե՞ս կգնահատեք մեր ծառայությունը